عندي بطاقة زين المدفوعة
الشبكة ما تزال ليست بكفاءة الشبكات الأخرى
العروض شبه وهمية, فيها ضحك عالعالم
اشتركت في عرض نهاية الأسبوع, كان أفضل عرض نزل إلى ذاك الوقت. عادي الواحد يصرف بس عشرين ريال في الشهر, واصطادت الشركة بهذا العرض الكثير من الزبائن من الشركات الثانية.
بس بعد فترة غيروا في العرض حاجة بسيطة خلت الكل يطلع من العرض ويروح للعروض الثانية, وقتها كان في عرض "وقت زين".
التغيير اللي سووه وهو نفسه اللي سووه في عرض شهر عليك وشهر علينا, أنهم صاروا يحاسبون في المكامة بالدقيقة وليس بالثانية, يعني تكلم ثانية أو دقيقة نفس الشي, مجرد فتح الخط بـ 55 هللة وبعد الدقيقة بثانية تنسحب من الرصيد الـ 55 هللة الثانية, طبعا هالكلام في الرصيد الإضافي وفي الشهر اللي عليهم, وما تقدر تستخدم الرصيد الإضافي إلا إذا خلصت الرصيد الأساسي.
يعني لو في عرض نهاية الأسبوع شاحن بـ 100 ريال مثلا وبعد استهلاك 35 ريال من السبت للأربعاء ويعطونك 70 ريال رصيد إضافي. ما تقدرين تستهلكين السبعين ريال إلا إذا خلصتي ال65 ريال الأساسية وبعدين يبدأون يحاسبونك بالدقيقة على الرصيد الإضافي
بالتغيير هذا حسيتهم مش قد كلامهم, ولا قد الضجة اللي سووها بشهر عليهم
بس بشكل عام عروضهم ومميزاتهم قليلة, ومشاكلهم أيضا قليلة