ملتقى طلاب وطالبات جامعة الملك فيصل,جامعة الدمام - عرض مشاركة واحدة

شاعر خيال · #1 2011- 8- 15

ليتك دريتي عن عذابي بالأيام
ليتك سألتي عن آسايه وشقايه

لا جيت خوف ولا تراجعت منضام
ولاخنت مبدأ الحب وين الجنايه

يا ما رسمتك للوفاء رمز ووسام
ومشاعرن فيها مناي وهنايـه

يا ما قضيت الليل حيران ما نام
أكتب قصيدي فيك والفكر تايه

وياما كتبتك شعر من عام لعام
مات الشعر وأنتي سكنتي خفايـه

وياما تجرعت المآسي والألام
خايف عليك من الزمن يامنايه

وأنتي تخيلتيني أوهام بوهام
ولا يرضي العشاق طبعك معايه

رحتي وأنا اللي كنت مخلصلك أعوام
لا واخسارة ليه خنتي وفايــه

هذا زمانك وأن صفى يوم مادام
روحي وأنا بعدك أبنسي عنايه

لا ترجعين اليوم بابنت الأكرام
قول وفعل ما هو مجرد دعايه

واليوم عن حبك أبيعد ولا ألام
لو كان بالفرقا تكون النهايه

لشاعر

فلاح عشوي العنزي