ارق الطويـلـة وارفــع عــواك يـاذيـب=خـــل الـعــرب تـهـتـاج لـعــواك لـيـلـة
مـزّع سـواد اللـيـل باقـسـى المخالـيـب=يمكـن يجيـب الصّـبـح وجــه الفضيـلـة
إن عـشـت تلقـانـي بـعــال المـراقـيـب =ون مـتّ انـا يـا ذيـب . مـن بتعـوي لـه
مـا جاوبـك بـعـدي شنـيـع المضـاريـب=الـلــي عـلــى يـمـنـاه اركــــى قـبـيـلـه
اتخـيـلـه الـقـمـرا ويختـالـهـا الـشِـيــب=و ســود الليـالـي تـحــت نـابــه قتـيـلـه
عـزيـز نـفـس ٍ مـــا يـــدوّر مكـاسـيـب=عـــواه حـــرّن والـغــذاء بـقــوّ حـيـلـه
ولاّ الغـنـم تـعـلـف بـظــلّ المشـاعـيـب=والـذيـب بـديـار الغـنـم . عـزتــي لـــه
دار ٍ تسـاوي بـيـن عـصْـم الشـواريـب=بـيــن الـهـلايـم ذيـــك .دار الفشـيـلـة
ياذيب كـم رجْـل ٍ كسـى راسـه الشّيـب=مـاحـط لــه مـربــع بـــراس الطّـويـلـه
ورجـل ٍ يشـوف سهيـل فيـه المطاليـب=تـلـقـى الـثّـريـا نـازلــه فــــي شـلـيـلـه
يـشـوم عــن قــاع الـرّخـوم الجلابـيـب=مــا شـالـوا الــي كـتـوف قلـبـه تشيـلـه
لا عـرّفــوا حـقّــن ولا عـيّـبـوا عـيــب=والطّيـب صايـر عـنـد احـدهـم وسيـلـة
وحـنّـا جِبلْـنـا طـيـب والتربـيـة طـيــب=وفرعـون مـا حشّـم هـل الطـيـب نيـلـه
طاغـوت عصـره بالغـبـاء والأكـاذيـب=ورّدمـصــر لـلـنّـار مـــن قـــوّ مـيـلـه
ولا أنـت مـا يدخـل علـى قلبـك الرّيـب=و خيـرات مصـر بعـيـن يـوشـع قليـلـة
ما شفـت مـن يقنـب معـك بالمكاتيـب؟=يـــا قــــوّة الله لا عــــوى بالـجـزيـلـة
همّـه يسـوق النـاس يــم عـالـم الغـيـب=والخلـق تـروى مـن العـدل / سلسبيلـه
صحيح شاف الجـور وقـد ذاق تعذيـب=بــــس الـصّـبــر زاده وجــــدّه دلـيـلــه
يشهـق علـى شــمّ الشّـواهـق بترتـيـب=وفيـه الجـلـد سبـعـة , خـيـول ٍ اصيـلـة
وحــده/ ولا رفـقـة عـقـول ٍ مـجـاريـب=خـالــي/ ولا زحـمــة نـفــوس ٍ ذلـيـلــة
مـوتـه/ ولا سـطـوة يـديــن الأرانـيــب=سمّـه يسـوس الــرّوس روس ٍ عميـلـه
راسه / مع الجوزاء ورجله على النّيب=و عــزّة كــوى كـبـود الـدلابـح بجيـلـه
يـا ذيـب هـذا الوقـت وقــت الألاعـيـب=مـكـر الحصـانـي سيـطـر بـكـل حيـلـه
تنـزل علـى اللحـيـة وتـنـزل لاشانـيـب=متقـصّـفـات ٍ خـــوف مـــوس الهبـيـلـه
الـوقـت هــذا / لا يـــودي ولا يـجـيـب=مـنّــه عـلــى كـبــود الـذيـابـه / ملـيـلـه
الـحـق غــادي والـمـبـادي / منـاكـيـب=ومـوت الفـتـى فــدوة / لعـيـن الجليـلـة
(ويا ذيب انا بوصيـك لا تذبـح الذيـب)=لــو مــات مـنّـك ويــن / تلـقـى بـديـلـه