المشاركة الأصلية كتبت بواسطة VICTORY الي سهل علي انه لي اصدقاء امريكان واتواصل معاهم سواء بالجوال او بالايميل وساعات نطلع شاليهات سوا نجتمع بأحد الكافيهات مبدئيا أشوف الأفلام جداً ممتازه لك وفعلا اذا تابعتها حتلاحظ مع مرور الوقت فرق في اللغه عندك للأفضل فيه روم في البالتوك هذا صحيح والروم ممتاز والكنترول فيه رائع وله جدول بحيث اعتقد كل خميس فيه رجل بريطاني كبير في السن يجي ويحكي حكايات وقصص انجليزيه ويحاول يفهمك المفرده بطريقه رائعه سلسه على حد علمي مشرفين الروم شباب سعودي متخرجين من جامعات عريقه وانت حتلاحظ ان لغتهم وطريقة نطقهم للحروف رائعه جداً

ماشاء الله عليك اجل مبين انك متمرس للغه .. وهذا اللي انا اقصده ( ان البيئـه ) هي اللي تساعد ...

مثل واحد صيدلي اعرفه كان في مستشفى كبير . وقالوا له اذا تبي تنقل قريب من اهلك ( لديرتك ) .. رفض رغم قربها من اهله .. ولكن كان سببه مقنع
قال لو رحت لمستشفى في القرى ( بتضيع لغتي الانجليزيه ) لأن اغلب اللي بالقرى تلقاه دكتور عام وكم ممرض وتلقى الدكتور من اهل الديره بينما المستشفيات العامه فيها اجانب واغلب تعاملهم بالمصطلحات الانجليزيه والطبيه ..


وبالنسبة للأفلام انا ماأتابع غير المترجمه لأني مثل ماقلت لك عندي صعوبة في ( لقط الكلام ) وخاصة الامريكيه لانهم ياكلون الحروف ... ولكن البريطاني اشوفه افضل حتى في التعليم ..

وشكرا لك من القلب على حضورك الكريم ..