|
رد: دعوه عــامه لطلاب وطالبات تخصص الـ( English )
بما اني تم تشخيصي  بأني متقدمه جدا في الإنقلش ولله الحمد
فأحب افيدكم باللي فادني ..( اتعب ع الاسلوب )
اولا هو حب فطري صراحه ويمكن هالشي خلاني اقدر القط اي كلمه
الاستماع والاستماع والاستماااااع
بما اني انسانه عمرها ماطبت خارج الديره الا اسبوعين شهر العسل وفي دوله عربيه ايضا 
ما كان امامي اي طريقه الا التلفزيون
قناة 55 البحرين و قناة 37 ذيك الايام اللي هي ون تي في الان و قناة الظهران اللي اختفت من زمان بس كانت مسككككككككككككككككككككككككككككككته وقناة السعوديه الثانيه
كنت مسننننننننتره عليهم 24 ساعه واقلد النطق ولو اني ما افهم ابدا وش كانوا يقولون بس بهالطريقه النطق صار ميه ميه معاي الحمد لله ... هذا غير الافلام كرتون .. كانت امي تنزعج من الصوت وتقول تابعوا بدون ما تسمعون انا اقول لها احس اني ما افهم ؟ مع اني اساسا ما افهم بس كذا شعور مريح اني اسمعهم !!!
مع الوقت طلعت قناة ام بي سي تو و فور واسننننننتر وهي تقريبا اللي عملت لي نقله جامده في الكلمات
كنت الحمد لله احفظ الكلمات اللي تمر علينا بالمناهج متوسط وثانوي والقواعد كمان فهذا شي بعد افادني .. يعني مو تنتهي السنه وانسى اللي درسته ...
ابوي كان يجيب لي روايات انقليزيه معربه .. الصفحه انقلش يقابلها صفحة الترجمه هذي برضو كانت نقله قويه جدا ...وكانت بسيطه نوعا ما
الافلام اتابعها تماما وبإنصات وانتباه واحاول البق الترجمه ع الكلام ... مع انك لما تتابع بدون ترجمه تكتشف انك فاااااااااهم ..
عدم الخجل من التعلم.. دايما اظهر رغبتك بالتعلم رح تلقى من يحب يعلمك ..
و فيه شغله بأعترف فيها ولو انها مخجله ممكن ... بس كنت اسوي تمثيليات بيني وبين نفسي انقليزيه ..استخدم فيها الكلمات اللي تعلمتها جديده ... و مرات اجلس اكلم نفسي انقلش .. يعني بدل ما اتحلطم واقول ياربي وش اسوي وووو عربي ... اقلبها انقلش ...
مرات اتكلم انقلش مع خواتي .. فيقعدون يقولون وش تقولين مافهمنا اقوم اشرح لهم... هالحركه تكسر الخجل فيني ... وتعلمهم شي جديد و تخليني اشوف نفسي في الشرح وتوصيل المعلومه شلون !!
احس طولت ... السموحه
|