السلام عليكم ورحمة الله وبركاته

كتبت لكم في الصفحة الثالثة تقريباً عن الدكاتره الي درسوني تحضيري الترم الأول
اتحدى حد يتذكر
الحين بكتب عن الترم الثاني بس ابغى الكل يستفيد و بتحمل التعب
في بنت كتبت عن بعض الدكاترة الي بقولهم الحين لكن حلو رأيين

النحو التطبيقي 2

د. محمد الزين × شرحه مرررره حلو تطلعين فاااهمه البحث يحدد له وقت معين في تساهل نوعاً ما ،، المشاركة مره واحده سأل بدون الأسماء حتى ، بعدين و قف والواجبات عطانا مرتين او ثلاث و بس ..تصحيحه حلووو يساعد بصراحة ،، وقت الأختبارات ما يحدد بس يقول ذاكروا الي درسناه ولا في اسئلة مراجعه بس بشكل عاام مريح من ناحية الشرح و الدرجات

القراءة و المحادثة :

نرجس عجمية × مو حلوه ابد تتكلم تتكلم دقيييقه تكبر الأمور و تخرع تظلم بالدرجات والله تظلم صراحة كرهتنا بالمادة رغم انها تافهه و سهله

التلاوة و التجويد :

ريم الملحم × شرحها حلوو بس مافي شيء اسمه تراجعين حفظك في المحاضرة الكل لازم يقفل المصحف وقت التسميع وو قت الشرح كنت اتضايق من كذا ابغى اراجع حتى يجي دوري بس في النهاية مرره تعطي درجات بعدين راحت و جتنا منى العيناء اعتقد اسمها كذا الي جتنا تسأل عشوائي
و سريعه في الشرح و تقييمها حلو يعني مهما كان بترتاحون لها .

مهارات التعلم و التفكير :
نعمة عبدالسلام× شرحها حلو نوعاً ما
معروفه كل محاضرة واجبات دقيقه فيها مو اي شيء يعجبها بس حسيتها احسن من صفاء بحيري في
النهائي ما دخلت معانا جزئية الشهري و كان اكثره موضوعي خيارات وكم تعريف و تعداد و خلاص

التذوق الأدبي

د. أحلام الوصيفر × طيبة مررره و تحب المشاركة الجماعية يعني تسأل اكثر من 10 بنات عن نقطة معينة بس مو بالأسماء الي بدها المحاضرة تقريباً سوالف اهم شيء خفيفه تساعد بالدرجات خاصة البحث امم اسئلتها الموضوعيه بالذات صح و خطأ مرررره دقيقة

أمل القحطاني English reading

كل المحاضرة كلاااام و مشاركة من كم بنت وخلاص والباقي يسوون الي يبغون لو تسألين عن معنى كلمة ما تجاوبك الا نادر او تجاوب انقلش و تتوهك زيادة تختبرنا كل يونت وهذا شيء حلوووو حسيتها في الدرجات تساعد

آمنة النظمي English writing

عصبية يعني اول محاضرة لازم تخرعك و ياويلك لو دق جوالك بعدين عادي لما جاء الصدق متفهمه صراحة شرحها يجنن كل كلمة تترجمها طوالي وتعيد لك الي ما فهمتيه ما تتأفف او تضحك بالنسبة للمشاركة قولي لها نهاية المحاضرة انك شاركتي عادي لو غلط هي تقول لنا كذا تكره قلة الأدب و النوم في المحاضرة تصارخ عليك كأنك في الأبتدائي و تموت على نظافة المكان دقيييقة في التصحيح مرررره دقيقة

إحصاء
هند ابو عليوة × بصراحة تجننننننن تسااااعد بالدرجات و الله انها عسسسل بشكل مو طبيعي شاركي عندها مره واحده بس تعطيك درجة المشاركة 10 درجات و الأختبار تسوي اعادة و شرحها نص ونص بس ان شاء الله تفهمين لو تركزين معاها

حاااسب

عواطف مكاوي× بصراحة سيئة هذا الترم لأن محاضرتها كانت يوم السبت و اكثر من مره ماكان في دوام فكانت اشياء كثير تمشيها و تقول اننا اخذناها و كثثير تتأخر حتى تمشي الباصات بعدين تجي تاخذ الغياب و تطلعنا
بس تشرح و البنات في وادي ولا تدور علينا

هذا ما لدي اكثر من بيستفيد بنات التحضيري