|
رد: سجل حضورك اليومي بكتابة بيت من الشعر
طفى وجه الظلام ولا بقى وسط المداين نور
آبطوي طاري وصالك وأفل لبعدك شراعي...
تعبت اسأل متى اشوفك وامد من الحنين جسور
تعبت اساير طيوفك وانا واعي ولا واعي...
تعبت افتح شبابيك الوله للموعد المهجور
تعبت أشهق مع انفاسي ونين الناي والراعي...
تخيلتك مسارح شوق واحساسك وله جمهور
وهقيت اني بلحظه شاعرك وعيونك اتباعي...
نشرت من الوفا نور ونثرت من الغرام زهور
انا وش ذنبي ان كانت حروفي تكتب اطباعي...
أمد ايديني استنجد لقاك وخاطري مكسور
وتشر لي على فرقاك وانت هناك وتراعي...
حبيبي اتذكر اوجاعي هاك اللحظه وانا مقهور
ترا للحين انا مقهور واوجاعي هي اوجاعي...
بعد ماسقيتني كاس الجفا هم وتعب وغرور
بعد ماارويتني فرقا تجي تنشد عن اوضاعي...
حبيبي مات لك وسط الحشا من غيبتك عصفور
عجز يلحق مداك ولا رضى يستوطن اضلاعي...
وشعري ماعليه خلاف وديانه تسيل سطور
مادام احساسي غيوم وسحاب ودفتري قاعي...
ترى مالي حمل طعنه جديده لعن ابوه شعور
اذا ماطاعني قلبي قسم للويه بذراعي...
يقولون الكلام فيما مضى فيه للعقل قصور
وأقول عقولنا من غير ذكرى مالها داعي...
حبيبي كثر الله الف خيرك تسلم ومشكور
بعد ماذبلت ورود اللقا ذي ورده وداعي...
|