إن كتمت الجرح من طيبي..ولعيون الإخـوة
وان كتبته ماكتبتـه غيـر لعيـون الكتابـه!
الكتابة:جرح..ياجرحي وضعـفٍ فيـه قـوّة
والكآبة؟..غيب فيني..تعبـر حـدود الكآبـة
هو أنا..اللي من(سيوف البرد) قام وشبّ ضوّه
مادري إلا ونـاره أحرقـت زاهـي ثيابـه
والا انا ذاك اليتيم الجاهـل بمعنـى الإبـوه
انجرح صوته..وهو يسأل..ولاحـيٍ درابـه
من عذابه يسأل امه..كيف غاب؟ ووين هوّه؟
يسأل امه من عذابه..هو متى ينهـي غيابـه!
كل فرح ..وكل جرحٍ في طرف عيني تشوّه
ضحكتي فيها(غموض) ودمعتي فيها(غرابه)!