|
رد: الخيمه الرمضانيه ,,,, تجمع للطلاب وطالبات ساحة التعليم عن بعد
سنيـن فيهـا ماعرفنـا بعضنـا
مرت ولاندري وش العمر جايـب
وشهور فيها المعرفـة جمعتنـا
فترة بسيطة لين صرنـا حبايـب
دنيـا عجيبـة شفتهـا فرقتنـا
يطيب لي والا على غيـر طايـب
واليوم مادامك عرفـت وعرفنـا
تبقى المعزة في زمان العجايـب
لو كل مانسعـى نحقـق هدفنـا
ماكانت الآمـال تغـدي ذهايـب
ياكم غالـي مثلكـم لـه فقدنـا
وله عندنا وزعة تحجب الحجايب
وإن سلتني من يقتفي دوم اثرنـا
وقتٍ ردي مع حظ بالحيل خايـب
نجبر بخاطر بالوفا مـن جبرنـا
مايوم مده بالجزل كـان غايـب
بذكرك انا بالخير وانـت افتكرنـا
وحفظ لنا المعروف جاتك طلايب
تبقى عزيز ولك مـودّة حفظنـا
مهما السبب تغلب عليه السبايب
بعد اختلاف الجـو لاشـك تهنـا
وما تاه رأي اللي يفك النشايـب
مابين موج وعاصفـة فاجأتنـا
وسحاب يمطر في دروب الصعايب
كل الذي قلناه مـن بعـد شفنـا
بين العقل والقلب قـرار صايـب
|