إن كنت كذبة فـي حياتـي أنـا أبغيـك
لـو كـان كذبـك فـي عيـونـي حقيـقـه
ويـن التـفـت بالـكـون مـائـل ألاقـيـك
عيـن المحـب أحيـان ترسـم طريـقـه
أشوف دربي مـن ضيـا نـور عينيـك
تكـفـى حبـيـبـي لا تـغـمـض دقـيـقـه
اعـاهـدك يــا ســر عـمـري ارعـيــك
رغـم المسـافـة والـظـروف المعيـقـه
ورغم الذي بيكون واحـداث ماضيـك
أبقـى انـا الحـاضـر وأبـقـى الرفيـقـه
ودعوة لساني يا عسى الـرب يبليـك
يـردهـا قـلــب شـفــع لـــك شهـيـقـه
وان جـيــت بـاجـافـيـك ولا اخـلـيــك
احـس فـي صـدري مـن الهـم ضيقـه
تخطي واسامح واعتذر لك واراضيك
لان كـذبــك فـــي عـيـونـي حـقـيـقـه