|
تبي بنت ؟؟ و أنــا مثلك أبي رجـــال ..
تبي بنت..؟؟
وانامثلك ابي رجال ..!!
يشد حبال ظهري
إليا البخت خانه ..
تبي بنت..؟؟
شعرها ليل
وعينها كنها الفنجال
وانامثلك ابي رجال ..!!
قليل اقوال واذا ينطق
يقطر حكمة لسانه ..
ابيه افعال .. وافعاله
تتم بليل كتمانه ..
تبي بنت..؟؟
وانامثلك ابي رجال ..!!
ماهو بتمثال مكون
من شنب وعقال ..
وثوب يسحبه خلفه
عجز في كيه الغسال ..
أبي رجال ..
له مبدأ..له أفكار تلخبطني ..
وضلعي المعوج إليا مال
يعرف وشلون يضبطني ..
ابي رجال
لاشفته
تذكرت العظيم الله
وذكرت النار والجنة ..
ابي لي شاعر ٍ عذري
له إحساس ٍ يغرقني
أبي رجــــال
ماهو شاطي ولا هو رمال
ولا بزنس ولا ريال
ولكنه
هموم امه
وكيف نفوز بالقمة ..
وكيف نربي الاجيال
ونخلي بنتنا أنثى
ونخلق في الولد رجال ..
تبي بنت..؟؟
وانامثلك ابي رجال ..!!
يشد حبال ظهري
إليا البخت خانه...
كثير بدنيتي الأزوال
وقليل بينهم
رجاّل!!
تبي بنت..؟؟
و أنــا مثلك ابي رجـــــال ..!!
|