|
رد: سجل حضورك اليومي بكتابة بيت من الشعر
أسبوع مرّ !! ولاوصل منك مرسـال ياقوّ قلبك كيف تقطعني أسبـوع ؟! الجوع كافر ! وانت ماترحم الحـال وانا عليك من الوله ميـت ٍ جـوع ياللي غيابك صعب يطري على البال تركتني ضايـق وحايـر ومفجـوع ماكنّـي الا: شايـب ٍ فاقـد عيـال وماكنك الا: محرم ٍ حق مشروع !! يفوع لك قلبـي ليـا مـر الاطـلال ياليت مالي قلـب يشتـاق ويفـوع حسبي عليك شلون قطعـت الامـال بآآآموت لاصار الامل فيك مقطـوع ياصاحبـي ماكـل نـزّال رحّــال انت الحيّا من وين مارحت متبوع !! نسياني لـزول ٍ بالاعمـاق يختـال اصعب على صاحبك من حبة الكوع لو الثمن في شوفتك عمـر رجـال كان الثمن من يوم ماغبت مدفوع !! ولو القدر ما تـم قولـه ليـا قـال ماضاق صدر ولا انحنى راس مرفوع ياصاحبي عشقتنـي فعـل وخصـال وانا عشقتك شعر واحساس وطبوع وشلون تتركني كذا لا اشهب الـلال وقدّام عيني تجف ينبوع .. ينبوع !! وانا عشانك جيـت والغيـم همّـال اسيّـل الوديـان واداحـم جـمـوع ماردّنـي عنـك سواليـف عــذال تزعل عليّ ربوع وتقـدّر ربـوع !! كان المهم اعيشك جنـون ووصـال ويكون لي كلمه ولي راي مسمـوع واليوم ضاقت بي من الجال للجـال فرقاك تقصم ظهـر وتحـز وتلـوع لو جيت شفت الحال ماسرّك الحـال في غيبتك ضايق وحايـر ومفجـوع هذا غياب اسبوع وشلون لـو طـال طالبك .. لايطوّل غيابك عن اسبوع
|