السلام عليكم ورحمة الله وبركاته
حلمت إني في بيت خالتي وانا وبنات اربعه جالسات في الصالة
جات خالتي من ورانا معاها واحد من اولاده كأنها تسأله وش رايك فيهن وهو مايشوف وجهنا كأنه من ورانا
قال أبغى الأخيره يأشر علي وانا كنت ميته من الحياء ومنزلة راسي
جات خالتي وجلست تسولف معانا وتضحك وتسولف عادي وهو راح
من جيت بطلع ضيعت عبايتي وقمت ادورها بكل مكان ماحصلتها
طلعت من باب الرجال وكان ولد خالتي مع خالتي واقفين على الدرج يبتسمون طلعت بعجل وانا ميته من الحياء لأني ماكنت لابسه عبايتي
حصلت عجوز
تبيع مناشف اعطتني منشفة بيضاء علشان اتغطى فيها رجعت البيت لقيت امي وابوي جالسين في المجلس
سألتني ليش لابسه منشفه قلت لها ضيعت عبايتي في بيت خالتي قالت لا هذي عبايتك عندنا
ضحكت وقلت وش اسوي في المنشفه قالت تسبحي وتنشفي فيها
قمت تسبحت ولفيتها على راسي
قمت من الحلم مرتاحه