ملتقى طلاب وطالبات جامعة الملك فيصل,جامعة الدمام - عرض مشاركة واحدة - دعوه عــامه لطلاب وطالبات تخصص الـ( English )

حيـاة · 2011- 8- 18

اقتباس:

المشاركة الأصلية كتبت بواسطة انقلش

فيه شغله افتكرتها و حابه اضيفها ..

لما كنت صغيره يعني بحدود الست سبع سنين ... كنت اشوف كتب اعمامي وعماتي الانقلش منثره هنا وهناك بالبيت بعد مايخلصون منها اخر السنه ... شي مشقق وشي مصحح وشي مكتوب فيه استفهاااام وش كبره لأنهم ما حلوا الواجب وصفحات جديده...

كنت مباشره اخذ الصفحات التعبانه واشققها واخلي اللي فيها استفهامات مع انها مخربه شكلها .. و الجديده .. واجلس اكتب فيها ..ما انسى فرحتي فيها لما القاها خمس ست كتب مجمعتها انقلش!!

ذيك الايام كانوا يعلمونهم الكتابه بالمشبك ... اللي الان اسمع انها طريقه صعبه للتعلم ولو نلاحظ كتب الطلاب الان مايعلمونهم الا مفكك .. بل ويعلمونهم اصول الكتابه مفكك وتماما لاغين المشبك؟ وهذا شي استغربه ؟

طبعا كانوا عماتي غالبا يضحكون اذا شافوني .. ويقولون هذي صعبه عليك ماراح تتعلمينها .. بس لأني ما كنت افهم انها لغة تحطيم.(الله يسامح الجميع ). زي ما اني ما كنت افهم الانقلش... واصلت الكتابه وكلي شغف بها ( مع اني مو فاهمه وش جالسه اكتب؟)

وكنت مرات اشخبط من اليسار اي شخابيط وبسرعه المهم يبدو شكلها كانها كتابه انقلش.. كان يطيرني من الفرح اني اكتب انقلش وبسرعه ومشبك.. طبعا كبرت الحمد لله ولا اعرف اكتب الا مشبك واعرف اقرا مشبك.. البعض يلقى فيها صعوبه للآن ! والبعض كان يستغرب من الطالبات اللي يكتبون مشبك ايام الكليه اول؟ وحتى ايام الثانوي ؟ بل ان بعض البنات ماكانوا ياخذون المحاضرات من اللي يكتبون بالمشبك !!

اللي ابي اقوله
للي عندهم اطفال افضل سن لتعليمهم الانقلش على اصوله وماتخافون من الصعوبه ابدا .. هو سن ماقبل المدرسه ..لانه فعلا زي النقش في الحجر ويصقل مهارتهم تماما .. علموهم حتى الصوتيات لان هذا يصقل اللفظ عندهم

و لو تبي شي ياللي تحب تتعلم الانقلش.. مااااااعليك من اللي حولك وصدقني حتوصل له بقدرة الله .. لأن محد ولد عالم..كلنا نتعلم...

واللي يقول صعب .. او انه مصدق انه صعب.. اقول له حاااااول من قلب صادق و منت خسران شي ..حيعجبك

كأنك تحكين عني

كنت مثلك بالضبط اخذ الكتب المنطله و احاول اقراها ولو انو بعض المفردات صعبه شوي وماكان عندي الديكشنري الناطق بس كنت احاول انطق الكلمه الصعبه حتى لو كان نطقي غلط

واحيان كثييييره يطلع نطقي صحيح .. وغير كذا كان عندي دفتر ملاحظات اكتب فيه كل كلمه جديده اتعلمها واعرف انطقها

ونفس ردك اللي قبل هذا كنت اتابع التلفزيون بشغف واقلد طريقتهم و اللهجه واحب كثييير اللهجة البريطانية اللي اتقنها جدا الحمدلله

واقرا قصص احيان كثييير تكون مو مترجمه عشان احاول اترجمها وتثبت الكلمات في بالي

وايضا الممارسه تلعب دووور مهم جدا في تعلم اللغه الانجليزيه او اي لغة اخرى

اتمنى التوفيق للجميع ياااااارب