|
رد: عندما رغبت بشدّة أن أعطي (مخمساً) .. !
اولا احب اشكرك على طرحك .gif "(204)")
فعلا .. قضيه بدأت تنتشر كثير ... (الا وهي اهمال الاطفال) وتركهم يسرحون ويمرحون
وبعدها يجون الاهالي و يقولون ياليت .. ويندموون على اهمالهم ..
""
انا اول كنت اداوام بـ مركز تأهيل .. في احد المناطق > ممنوع التشهير 
المهم ان احدى اطفال متلازمة داون .. كانت مع امها > وكنا وقت الخروج .. والمركز تجي السيارات
لعند الباب .. يعني كاننا ع شارع رئيسي
فـ الام انشغلت بالجوال .. وما كان من الطفله الا انها انطلقت تركض لـ جهت السيارات
تبي تركب مع احد معلماتها ..
.. ولكن سبحان الله ..انقذتها احد المعلمات الواقفات .. فقامت بسحبها من امام السياره القادمه
و ودتها لـ الام .. وقالت لها انتبهي عليها تراها امانه بـ رقبتك .. والام كل اللي سوته قال
(طيب .. يعطيك العافيه ) >> برود لـ اخر درجه 
::
الموقف الثاني ..
وانا بالكرنيش .. كنت رايحه اللعب اختي و ولد اختي
حطيتهم بـ الملاهي وجيت ابجلس مع ابوي الله يطول بعمره
لفت انتباهي ولد توه يمشي (يعني يمشي خطوتين ويطيح)
راح يم الرصيف وبينزل الشارع .. انا وقفت ابي اجيبه (بس الخوف يبسني بمكاني)
التفت ابي اشوف حد يدور عليه .. مالقيت حد .. شوي سمعت رجال يصارخ ع حرمته
( يقوولها وين الولد وينه .. وكانو مره بعيد  ) قلت في نفسي .. هنا هنا .. بس ما ادري
وش الوضع اللي مر علي .. ما قدرت لا اتكلم ولا اروح اجيب الولد .. كل اللي سويته اني
اشرت عليه وانطلق الاب يجيبه ع اخر لحظه .. وبعدها رجع وهو في قمت غضبه
و وجه كلام (سيئ للـ ام .. ) >> طيب هم لو منتبهين عليه من اولتها .. كان تفادووو هالموضوع
:
وبصراحه عني .. ولد اختي يمسك يدي وانا اقوله يخي هدني لوعت كبدي
:
اسفه ع الاطاله .. بس حبيت اعلق
واشاركك المواقف
لك 
|