أشـِـعــّــــة ْ الــرّنــِــيــــــــــن ْ ..

اقتباس:

المشاركة الأصلية كتبت بواسطة sad heart [align=center][table1="width:100%;background-image:url('http://www.up.qatarw.com/get-11-2009-6e46b2st.jpg');"][cell="filter:;"][align=center] فــِــي الـمـُــسـْــتـَـشـْـفـَــى .. يوم الثلاثاء الصبح جيت عند الإستشاري و دخلت عليه , وشرحت له الوضع و الحمدلله تفهّم وعطاني الـ request , و رحت لـ قسم أشعة الرنين و أخذت موعد , و هـ الأشعه سـ توضّح كل شيء , و إن شاءالله خير . [/align][/cell][/table1][/align]

أمس الخميس كان عندي موعد علشان أسوي أشعة رنيـن مغناطيسي على ركبتـي ,

قسم أشعة الرنين المغناطيسي ميزتهم و مشكلتهم في نفس الوقت إنهم دقيقين حيل في مسألة المواعيد ,

هاذي ثالث مرّه أسوي أشعة رنين و كلـّها على الركبـه , و من المرّتين اللي طافوا عرفت نظامهم عدل ,

في اليوم يستقبلون عدد ما يتجاوز 10 حالات , كل نص ساعه تكون مخصصّه حق مريض ,

التجهيز للدخول للجهاز ياخذ 10 دقايق , و باقي الوقت يكون مخصص لـ تصوير الأشعه ,

أي تأخير لو كان 5 دقايق .. خلاص راح عليك الموعد , لا تناقش و لا تجادل , الأمور صارمه عندهم !!

موعدي كان الساعه 8 الصبـح , بعد ما صليـّت الفجر ما نمت , قررّت أروح للمستشفى سهـران ,

كنت مندمج ع النت و ما دريت إلا الساعه صارت 8 و عشر دقايق !!

و أفز من مكاني و أبدّل ملابسي بسرعه و أركب سيّارتي و سيده ع المستشفى ,

و الحمدلله المشوار ما أخذ 5 دقايق لأن المستشفى قريب من بيتنـا ,

دخلت لـ قسم الأشعة الساعه 8 و نص و إلا ألقى هذاك الهنـدي اللي مرتـز ع الكاونتر ,

طلع هـ الهندي هو فني الأشعة اللي راح يعملي أشعة الرنين ,

قلت له عندي موعد , و طلب مني الـ Request و لمّا شافه قالي إنتهى موعدك , أنت جاي متأخـر !!

و لأني أعرف نظامهم ما جادلته , إلتزمت الصمـت , و قلت بيني وبين نفسي .. عساها خيره ..

شويء و إلا يقول الهنـدي : الحين الساعه 8 ونص , راح ننتظر 5 دقايق , إذا ما جاء اللي له الدور راح تدخل مكانه ,

أستغفر الله مدري شصار فيني .. قعدت أدعي و اقول عساه ما يجي , عشان أدخل مكانه و أعمل الأشعه ,

بس تعوذّت من إبليس و قلت يمكنـّه شايب أو عجوز أو واحد تعبان حيل و حالته ما تستحمل تأخير !!

مرّت الـ 5 دقايق و إلا ينقز الهندي من الكاونتر و يقولي حظـّك حلو .. تأخرّ حيل اللي له الدور ,

طلعت برّا أدوّر .. يمكن اللي له الدور يكون جاي في الممّر بس ما لقيت أحد .. وقتها توكّلت على الله و دخلت ,

دخلّوني غرفة وعطوني ملابس عشان ألبسهـا بدال ملابسي , مثل الملابس اللي يعطونها اللي يبي يسوي عمليّه ,

و بعدها أخذوني حق غرفة ثانيه عشان يسجلّون طولي و وزني ,

الشيء اللي صدمني و تفاجـآت فيه بعد ما وزنت إني لقيت نفسي ناقص 4 كيلـو !!

آخر مرّه وزنت تقريبا كانت قبل شهرين , وقتها كان وزني 64 , وأمس نزل إلين 60 !!

كنت أدري إن وزني نازل لأن أكلي من فترة مو قصيره صاير قليل , بس ما توقعّت يوصل 60 كيلو !!!

سألت الهندي : الميزان خربان صح ؟ قالي : لأ , أنت أوّل واحد يشتكي منـّه !!


المهم .. أخذوني بعدها داخل غرفة جهاز الرنين , و الجهاز كبير و ضخم , مدري شلون أشرحه ..

كنت أبي أصـوّره بـ تلفوني بس قالي الهندي إذا دخل تلفونك راح يخرب , لأن الغرفة كلـّها أشعة و فيها أجهزة إشعاعات ..

بس شوفوا هالصوره , نفس الجهاز تقريبـا :





طلبوا مني أنام ع السرير , و بعدها حطوا على ركبتـي وايرات و أجهزه , و لما خلصوا دخلوني داخل الجهاز ,

الشيء الزين هـ المرّه .. إنهم عطوني سدّادة إذن , لأن صوت الجهاز أثناء التصوير قمة بـ الإزعاااااااااج ,

قبل لا يطلع الهندي قالي لا تتحرك , خلـّك ثابت علشان ما يخرب التصوير و نضطر نعيد من أوّل !!

طلع .. و بدأ التصوير , و بعد فترة ما حسيّت إلا الهندي جاي فوق راسي و شال السدّادة و هو معصّب ,

بس لمّا شافني نايم هدأ , شكلي كسرت خاطره , و قالي راح نعيد التصوير بس لا تنام و لا تتحرك ..

و الحمدلله بعد تقريبا 10 دقايق جاني الهندي و قالي خلاص خلـّصنـا , كل شيء أوكي ,

و طلب منـّي أراجعهم بعد إسبوع علشان أستلم الأشعـة + تقرير الأشعـة ,

و هـ التقرير راح يوضـّح إذا ركبتي سليمه , و الأربطة , و الغصاريف فيها شيء أو لأ .. و إن شـاءالله خير .

[/ALIGN][/CELL][/TABLE1][/ALIGN]