خلاص ابرحل دون رجعه وتفكير
وعز نفسي دامني حي ماخاف
والخوف للي له صلاتي وتكبير
هو الذي يسعى له العبد له طاف
أمنت به من دون شك(ن) وتكرير
ملهمني ابيات الشعر لي مع قاف
وسطرتها للي لهم كل تقدير
مع احتراماتي مع حب شفاف
وبعْدها يالله عسى اجيد تعبير
وتزين ابياتي لمن هو لها شاف
كثر الكسر ماعاد ينفعه تجبير
مثل الهوى والقلب لاعاف ينعاف
حسبي على اللي ناوي اليوم تدمير
كأنه نوى ذبحي ودمي ولاراف
برحل وبتآسف اذا فيه تقصير
وبعز نفسي دامني حي ماخاف