ملتقى طلاب وطالبات جامعة الملك فيصل,جامعة الدمام - عرض مشاركة واحدة

بـــو أحــمــد · 2007- 6- 29

بنت ثنوي

اقتباس:

السلام عليكم
شلونك بو احمد ان شاء الله بخير

و عليكم السلام و رحمة الله و بركاته
أهلاً أختي .. الحمد لله آنا بخير و صحة و سلامة

الله يكون بعون الجميع
بس لازم تقررن و تخترن الكلية الي أنتن تطمحن لها

اقتباس:

الحين لو انا بسجل في جامعة الملك فيصل في الدمام

طب وعلوم تطبيقية تصلح؟؟؟

يعني بنفس الوقت اقدم في كليتين

وهل اختبر اختبار واحد بس ولا شسوي

يعني الزبدة ما ادري وين الله قاطني

ومو عارفة راسي من رجولي

أول شي يا أختي كلية الطب بالدمام و كلية العلوم الطبية التطبيقية ما فيهم أختبار قبول ...

الإختبار فقط هو الإختبار التحصيلي
و هو نفسه رايح تنحسب نتيجته مع معدل الثانوية العامة و تتم المفاضلة بين الطالبات ..

اقتباس:

لأنه الأغلبية يقولون حطي كذا تخصص في بالج

وانا مادري شسوي وشنو اختار

لأنه ميولي طبية

مع العلم انه نسبتي 92.23% وكل هذا بسبب الرئاسة

كلامهم صحيح يا بنت ثنوي
لازم تحطين لج ثلاث رغبات .. و رتبيهن حسب ميولج
لأن لما تسجلين .. رايح تطلب منج الجامعة تحددين ثلاث رغبات أعتقد

اقتباس:

وأخيرا وليس آخرا

آخر استفساار

بالنسبة للبعثات خارج المملكة

سمعت القبول فيها فوري

واحسن من جامعاتنا الله يهديهم

متى يبدأ التسجيل للبعثات ؟؟

ووين ؟ وهل في الانترنت ؟؟

ولا وين اطس وين اولي <<< حالتها صعبة بقوة

هدي أعصابج أختي ..
ما فيه شي صعب .. خذي الأمور بسهالة و ادعي الله بالتوفيق

بخصوص البعثات .. إلى الآن ما أعلنوا عن التسجيل فيها للمرحلة الثالثة
ما أعتقد فيها قبول فوري لطلاب و طالبات الثانوية
أتذكر كان القبول فوري و مضمون للطلاب و الطالبات أي سجلوا للماجستير

بس تقريباً القبول مضمون فيها

عموماً يا أختي .. ريحي بالج و هدأي أعصابج
و كل شي سهل إن شاء الله

و كلنا هنا موجودين .. و ما رايح يكون فيه شي مبهم أو غير واضح في عملية القبول و التسجيل

كل شي بيكون واضح إن شاء الله
و بعدين التسجيل بيكون مفتوح من بكرة السبت إلى يوم الأثنين للكليات الصحية
و من بكرة إلى يوم الاربعاء للكليات غير الصحية

ريحي بالج و بدال هالنرفزة و العصبية و القلق .. أدعي الله بالتوفيق لج و للجميع

و قولي ما رايح يصير إلا الله كاتبه
و الحمد لله على كل حال

أي أستفسار ثاني .. تفضلي و لا تترددي