ملتقى طلاب وطالبات جامعة الملك فيصل,جامعة الدمام - عرض مشاركة واحدة

بـــو أحــمــد · 2007- 6- 29

اقتباس:

والله شقول لك

اكيد حاس بالتوتر الي احنا فيه

والتشتت الي عايشينه

ويمكن مريت فيه من قبل

الله يكون بعونكم صراحة ...
إن شاء الله فترة و تعدي .. بعدين بترتاحون من هم القبول و التسجيل

اقتباس:

طيب سؤال أخير وتحملنا

اذا جينا نسجل عن طريق النت في الجامعة

شنو المطلوب منا يعني شنسوي

ولك مني اني لو انقبلت طب في الدمام لك الي تبي ههههههه

وشاكرة لك مرة ثانية

ههههههههه ..

الله كريم يا بنت ثنوي
إن شاء الله تحققين طموحاتك ...

التسجيل عادي .. ما فيه صعوبة أبداً
رايح تسجلين معلوماتك الشخصية ... مثل الإسم الرباعي و غيرها في الخانات المطلوبة ...
و برضو نسبتك ألي أخذتيها في الثانوية العامة

و أعتقد رايح تكون فيه ثلاث خانات لرغباتك الثلاث

و لو أني أنصحك تسجلين في كلية الطب عندنا في الحسا أفضل ...
لأن الطب في الدمام يا دوب يقبلون ألي نسبهم 99% و فوق .. بسبب قلة المقاعد المتاحة ..

و بعد ما تسجلين يا بنت ثنوي ... أنتظري ليوم الثلاثاء أو الأربعاء
و روحي الجامعة عشان يتأكدون من معلومات تسجيلك و صحتها ...
و رايح يعطونك بطاقة الدخول للإختبار التحصيلي ...

أخذي معاك 100 ريال الرسوم

ترا ما رايح يعطونك البطاقة إلا عقب ما تدفعين ههههههه :003:

أي أستفسار ثاني تفضلي يا أختي
و لا تترددين

إن شاء الله بكرة رايح يتضح كل شي ..
و أي أستفسار ... الملتقى موجود و أحنا كلنا موجودين و معاكم يا أختي