|
رد: تعريف بطالبات كلية العلوم و الآداب بالخفجي
هلابك وحياك الله بينآ 
ومبروك التخرج والقبووول
لاتخافيين وولا شي البنات اللي يتكلمون كل وحده تتكلم عن نفسها ومافي وحده تشوف الشي الإيجابي بصراحه بمجتمعنا من يوم وأنا بالثانوي أسمع مقولة كل الأستاذات اختباراتهم صعبه.gif "(177)") <ماشفنا اللي يقولونه كلام فاضي مجرد تخويف للطالب المستجد
كله يعتمد على الطالبه وطموحها واجتهادها واللي عندها طموح وش ما كان بالمكان ماتطلع به أي عيب واللي بس جايه تتمشى وخرابيط فاضيه أكيد مايعجبها المكان!!!
يمكن كان وضع الكليه مو حلو السنوات الماضيه بس الحين صراحه رائعه بفضل من الله ثم العميدة تعجبني موقفه البنات عند حدهم لا لف ولا دوران وهذا اللي مو عاجب البنات !!! وقصدي واضح
وإذا لك طموح وهدف معين بتمشين مثل السلام عليكم بصراحه الدكتورات متعاونات أحسن من أي كليه وأسألي يا حرام بنات الجبيل وغيره إذا كانت البنت ذا خلق وإحترام وتحضر كل المحاضرات قسم بالله كل الدكتورات يحترمونها ويساعدونها ويحطونها فوق الراس وأنا طالبه بكلية الخفجي ومجربة(اللي جايه تطلب العلم تحضر محاضراتها وتطلع وش تبي من الكليه بعد مابقى إلا خدم فوق كل طالبه عشان يرضون البنات مايعجبهم شي دلع*دلع ونتايجهم تشهد )!!؟ ..
-مواد التحضيري : كيمياء عامه - فيزياء عامه - أحياء - صحه ولياقه - ...
اعتقد باقي ماده نسيتها والله
-الكتب حنا نشتريهم بس شوفي فيه موضوع هنا بمنتدانا يخص اللي تبي تساعد بالكتب اللي ماتحتاجها يمكن تقدرين تستفيدين من كتب البنات بالإتفاق معهم ..
وبالتوفيق كل التوفيق لك ولكل المستجدات يآ رب
’,
|