ملتقى طلاب وطالبات جامعة الملك فيصل,جامعة الدمام - عرض مشاركة واحدة

زحلط · 2011- 8- 20

شغب الرد في داخل الاقتباس

اقتباس:

المشاركة الأصلية كتبت بواسطة شغب..

طيب ليه لحست المخ انت والالوان يعنو لو اقتبست وعلقت شبيضرك :) فيه شغلتين الاولى على مسيو شغب هذي حسيت اني بشنبات

مدري وشو معنى مسيو قلت شكلها كلمه فرنسيه بس مادام قالتها لي اكيد حلوه وقلتها لك

الشغلة الثانية انا اتكلم عن نظرية الصور بالمجتمع السعودي ك كل سوء كان رائك او رائي احد ثاني صادفته يعنو مثل ماانت كتبت الموضوع من مشاهداتك انا ردي
من مشاهداتي وهذا الطبيعي اذا كنا نبي ناصل لقناعة بخصوص موضوع ..باختصار لا تاخذ الموضوع بدفاع وتجي تقولي انا ماشفت احد من الاعضاء قال لا تصورون
فيه رد مش فاكره لمين تقول انو ماعندها الا صورة الجواز ووحده ثانية تقول ان ماعندها غير صورة لها وهي زغيوره_ ومع احترامي والله لصاحبة الرد ون وتو, هي الفكرة
مش انو قالت لا تصورين ياشغب بالاخير الامر راجع لي لكن انها مقتنعه ان الصح انها ماتتصور نفس نظرية اختي اللي بيوم تقول امسحي صورك عن الكام الواحد الزم
ماعليه سمعته وهذا بالضبط زمن الراديو ..

مقدمه ولا اجمل منها نعم نحن في هذا الموقع نطرح ارآنا وننتضر من بقيه الاعضاء طرح آرااأهم وما عمري بالنت رديت على احد ادافع عن نفسي ولاكن ربما اطرح فكرتي واناقش من خالفني فيها اما اقتنع بفكره او يقتنع هو بفكري او على الاقل نستفيد من بعض في نقاشنا ولاكن يكون النقاش واقعي وعدم نسب للطرف الاخر ان هو الخطاء بل تبقى ارانا جميعا تحتمل الصواب وتحتمل الخطاء.....

واما مانسبتي ان قولي من قال لاتتصورون فهذا ليس دفاع عن نفسي ولاكن دفاع عن فكر بعض الاعضاء اللي شاركوا بالموضوع لذلك حبيت تراجعي نفسك في ذا النقطه

|||

اما بالنسبه للي ماعندها الا صورة الجواز ولي لها صوره صغنونه انا اراء انه حق من حقوقها الشخصيه ولا عندي أي اضافه في ذي النقطه لانه مو محور النقاش

اما اختلافك مع اختك فهذا دليل مهما اختلفنا في وجهات النظر نبقى اخوان

سوء كانت صورة او حتى البنت نفسها في الحياة _طبعاً لا يجوز
وبالنسبة لصورة الذكرى المتبادلة ان اشجع واتمنى بعد ودي يجي اليوم اللي نتعامل معه باريحية كبيرة
مثلاُ أخوي ممكن يدخل علينا انا وصديقتي بالخطأ ويطلع ممكن يشوف صوره لها بالخطا ويحترم خصوصيتها _ راح تقولي الموضوع هذا مستحيل ومش كل الشباب مثل اخوك
راح اقولك طول ماانت واكثر الردود يتعاملون مع الصور بالحساسية هذي ماراح نتعدى هالعقدة ..

بالنسبه لصورة الذكرى ذا رايك ولكي مني الاحترام ولاكن اعرضي مسأله تبادل الصور للبنات من اجل الذكرى على الدين والشرع وشوفي وشو يقول الدين فيه وذا تاييد لردك الاول لما قلتي احنا نتبع الدين في كل امورنا

بس فيه نقطه وهي دخول اخوك بالخطاء عليك وانتي وزميلتك ...انا ماعمري دخلت على اختي الاااا لما أستاذن منها سواء عندها احد ولا لوحدها احترام لخصوصياتها اذا سمحت لي بالدخول ولا اروح ,

ومافيه مقارنه بين دخوله بالخطاء او انه يشوف صورت بنت الناس عندك(أي خصوصيه بقت لما تقولي يشوفها ويحترم خصوصيتها ) لاني اشوف الوحده لو اخذت صورت زميلتها تبقى امانه وتحفظها في مكان مايدخل عليه الا هي احترام لخصوصيات الناس طبعا لا انسى انا ضد تبادل الصور للذكرى بين البنات

ادري طلعت الموضوع بس شي يبط الكبد
الدين مثل ماامر البنت بالستر امر الرجال بغض البصر
ليه دايماً تشددون بكل شي يخص البنت تحت شعار " الحرص "
ويجي هذا يقول الشاب يخطي الى اخره الغلط من مين هنا من البنات اللي مايتعاملون
بنفس الاسلوب ويرفضون صاحب السوابق _ودي ادخل بموضوع ثاني بس انه شاااطح مره مايضبط مع موضوع الصور

هههههههههههههسلامة كبدك كلامك بغض البصر كلام طيب وانا معك فيه ولو انا اول واحد مقصر في ذا الشي بس ربي يتوب على

اما موضوع الحرص فبقول اتركوا سيارة اخوك مفتوحه ولا أي ولد من قرابتك صغير يطلع باليل لوحده بعيد عن البيت او حطي جوالك بالسياره ويكون واضح وقفليها وشوفي وشو يصير وبعديها بسألك عن موضوع الحرص شي حلو ولا مو حلو

واللهي يازحلط اذا انت بتحاسب البنات ع صورة تعطيها لصاحبتها أو تحطها بقائمة البي بي اللي كلها بنات قرايب وصاحبات اقولك ايه

لما تحاسب البنات >> ركزي في ذي الكلمه الان تو نقول كل واحد يطرح فكره ومو مجبورين احد يتبعنا ولانتبع احد كل وقناعته تجي تقولي احاسب البنات

طيب ياليت تجيبي شي يثبت صحة كلامك بذي النقطه ان وحده حاسبتها بردودي يعني ابي اقتباس

لما نحاسب على صورة
لما مانملك حتى حقنا بالصور اقولك ايه _ لما ترد كذا رد كلها خوف من سرقة جوال بمعنى اصح ترهيب للبنات اقولك ايه _ من الاخر كذا لو كنت نزلت موضوع
تطلب التشديد على اصحاب محلات بيع الجوال وتطلب متابع اليوتوب وحذف المقاطع المنشورة بقصد الفضايح بالاضافة الى صور الفيس بوك
والبي بي راح يقنعني رايك ولا راح اشوفك مصر تحصرنا بخانة "الراديو" هذا والله مع احترامي لقناعاتك اللي انا مش مقتنعه فيها ..

اختي يبدو عندك مشكله اللحين منو قال لاتمتلكين حقك بالصور وبعد هينا ابي دليل قلته انا على كلامك

اما ردودي على سرقة الجوال انا ما اخوف ولا اسوي فلم رعب انا قلت قصه حصلت بحارتنا بس ..وفيه احد الردود وحده من الاخوات ايدت كلامي بقصه حصلت على زميلتها وبس

ماتحسين هنا انك ودك تكبري السالفه

اما موضوع التشديد واليوتيوب والفيس ذا بعد مو محور حديثنا شطحتي شوي

ومن الاخر برضو بس اخر مره

الخوف والرهبة هذي اللي مصدرها المجتمع انتج لنا مشاكل الصور باللثمة صور غير محترمه المهم ان تبقى صاحبة الصورة بامان للاسف .
+ لو ترجع لردي الاول راح تلقى اني مااقصد زحلط واتكلم بالمطلق اننا من حقنا نعيش ..... الى اخر كلامي
رجعت لردك وكان الكلام موجه لميسو زحلط واتوقع انه ميسو زحلط هو انا .....

محاوله منك للتصريف بان الكلام عام

+ أنا حالياً وبعد ردودك اعتبرك تتبنى فكرة العزل والاضطهاد واتمنى انك
ماتقولي طلعيلي من كلامي مايثبت انا هذي القناعة اللي وصتلني

انا حاليا بعد مناقشتك اعتبرك تتبني فكرة الانحلال واتمنى انك ماتقولي طلعلي من كلامي مايثبت انا هذى القناعه وصلتني

لحظه لحظه ذي موووووووووووو لك يالغاليه

بس حبيت ابين ان الكلام اللي قلتيه يعتبر اتهام شخصي وطلعتي عن محور النقاش لمحور الاتهام ...وذا يخالف آداب النقاش طبعا مو اللحين بس من ردك الاول وانتي طالعه عن محور النقاش بس ماحبيت من البدايه اقول ....

طيب الجواب كـ التالى

هينا فيه تناقض لانك اتهمتيني بتبني فكر العزل والاضطهاد وبعدين جاوبتي على سولك تقولي لاتقول طلعيلي من كلامي مايثبت اختي

بغض النظر عن زحلط >> لاني مادافع عن نفسي >> اذا اتهمتي أي شخص لازم تكون عندك شي يثبت صحة كلامك حتى ما تضعف مصداقية كلامك

وبعد الكلام ذا يتناقض مع المقدمه اللي كتبتيها باول ردك ....وقلت انا بردي لك كلام جميل ولاكنك ماطبقتيها بذي النقطه

المايك معك ان كنت تتبنى هذه القاعدة ياليت نسمع وجهة نظرك وانت ماكنتش انا اعتذر على فهمك خطأ .

اهاااااااااااا مادام فيها مايك اجل اححح احم اعدل الصوت وش ودكم بانشوده

ابد اختي شغب اطًلعي على مواضيعي بالمنتدى وراح تعرفي الجواب بنفسك

لاكن بختصار انا دائما اقف في صف الشباصات وذا الشي زعل بعض الاعضاء علًي
وانا بصدق احب الفكر الدمقراطي كل شخص له حريته وانا لي حريتي بس بحدود الدين والشرع . ومرجعنا الشرع ..

* هل لديك اقول أخرى

اممممممممممممممم ههههههه

لا ليس لدي اقوال اخرى تبي اوقع على اعترافاتي مستعد

* ع فكرة سؤال عن الاشياء البسيطة مانسيته راح اجاوبه سوء بهالموضوع او غيره وتقريباً بغيره :) إن شالله

اهااااااااااااااااااااااااااااااااااااااااااعاش مصرف والحضور ههههههههه

امزح على راحتك وذا من ابسط حقوقك

مسيو

قصدي وشسمه عزيزتي شغب لك مني كل الود والاحترام فمازال موضوعي يستنير بطرحك دمتي بحفظ الله