اهداء الى انين ومشعل وتعب
أكابر وادعي كرهك عشان اكسب رضا ذاتي
وأنا اللي ذاتي ماتقبل كلام فيـك قـد قلتـه
تبيها بجد ياخلـي تعـال اسكـن خيالاتـي
فـداك بداخلـي منـزل تنازلتـه وسجلتـه
مثل مايكتب القاضي تنازل عـن عقاراتـي
انا باكتب تنازل لك من احساسـي تنازلتـه
لانك عايش بفكري فراقـك مـن نهاياتـي
انا آكل وانا شارب وانا نايـم معـاي انتـه
تعال اقول لك موقف حصلـي بامتحاناتـي
وانا قدامي استاذي كتبـت الحـل ودونتـه
من الاول الى التالي ابيك تعرف انا الآتـي
سؤال حار في فكري انـا مايـوم ذاكرتـه
من الربكه سرح فكري وباح بكـل زلاتـي
وزليت بخطـا فـادح ولاظنـي تجاهلتـه
كتبت اسمك وسلمته على ورقـة اجاباتـي
بدال اسمي كتبت اسمـك وللاستـاذ سلمتـه