لي صاحبا ً أشفق على مر طـاريـه
راســي اللى ما مر طاريـه صٌــدع
يحبنــــي وأنـا بعـــــد ميتــا ً فـيــه
مصيــــف بقلبـي وبالجـوف ربٌـــع
ماهــو بنـــاسينـي ولانــي بنـاسيـه
وقعـت ما أخونه وهــو زيــد وقـٌـع
إن غــاب ما جـاني أحاتيـه وآتيــه
وإن غبت أنا دمعه على الخد نـٌقـع
تدرون ويش أصغر بلا من بلاويه ؟
الطيــر الى شافه وهو فـوق وقـٌــع
إن جا يحاكيني عن الحــب أوحيـه
وإن جا يوصفلـي عن الشوق بٌـدع
وإن جيت بوصف له غلاته وأحاكيه
ضيعـت ولسـاني على طـول رقـٌع
ويـاعاذلـي بالحـب بعطيــك تنبيـه
إن طعتني وسع عن الدرب وسـع
أنتم سـبب بعــد المحبيـن يـا هيـه
كم واحدا ً مـن سبـة العــذل ودٌع
تكفـون خلـوني علـى كيفـي آتيـه
لا صار راسي كل ماغبت صٌـدع
إلى دعانـي صــاحبـي قلـت لبيـه
وإلى دعـاني عاذلـي قلــت وجٌـع