ماعاش منهو ياهوى البال يزعلك
ماللرضاء داعي اذا صرت زعلان
تدري حياتي داخل القلب شايلك
والله اعشقك موت واغليك بجنان
وحياة منهو بأحسن الوصف جملك
انك بقلبي غير عن كل من كان
لاتحسبني في كلامي مجاملك
ماينتجامل بالغلا يالغلا انسان
اغليك صدق وجد واصبحت لك ملك
ملكتني بالحب والحب سلطان
والله غلاك يفوق واقع تخيلك
يجري بوسط الدم شريان شريان
يمكن غلاك بداخل القلب يجهلك
بس الوكاد اني من الشوق ضميان
اتعب عليك من الوله بس ماأصلك
وش حيلة اللي يسهر الليل ولهان
ياروح روح اللي يموت بتدللك
ويظيق من شانك اذا صرت طفشان
ياكثر ماأفرح بك بلحظة مقابلك
وياكثر مااستانس اذا صرت خجلان
لاقلت احبك ثم بدالي تخجلك
اموت بك لاحمرت ذيك الاوجان
والله لموت وداخل القلب شايلك
حافظك في قلبي على طول الازمان
لاكن دخيلك كان انا صرت مزعلك
ترضى على ومعترف حيل غلطان