الغالي اللي نويـت اليـوم اكتـب لـه
غلاه ماهـو غـلا نـزوات أو عـادي
مالوم خلـق الله اللـي فيـه منهبلـه
وانا بعد في غرامـه صـرت منقـادي
من قبل اشوفه أشوف الزين مااحسب له
واليوم بينـي وبيـن الزيـن ميعـادي
أنا اشهد ان الغتر والشمغ تعصـب لـه
ياويل حالي ويابلـواي يـا ( هـادي)
اشك ان الحـلا والزيـن ينسـب لـه
واشـك انـه اميـر الحسـن ببـلادي
وش لي ووش له وانا لي كبد مندبلـه
وحياة مثلـي علـى ماقيـل للحـادي
حاولت اجنـب طريقـه واتجـه قبلـه
لكن حسنه ندهني : ويـن ياغـادي ؟
كنه يقول بدلـع : والله لا انشـب لـه
مايـدري ان نشبتـه بتثيـر حسـادي
لانهم يحسدون الرجل لاعـرف بخته
يعني يموتـون لـو يـدرون بمـرادي
لو كان صوتي حلو والله لا اسحب لـه
شيلات واصبح لاجـل عينـاه نشـادي
ولو كنت من الاغنيا والله لا اشطب لـه
قصرين والا ثلاثـه فـي طـرف وادي
واقول اسكن حبيبـي ثـم ارتـب لـه
وافرش طريقه بزهـر الفـل والكـادي
واقول قرب حبيبي ثم اطـب طـب لـه
انا اشهد ان طبطبته الموت يا(هـادي)