المشاركة الأصلية كتبت بواسطة نواره منوره

سؤال بريء من طالبه مستجده

انا مو فاهمه سالفة نظام بانر هذا اساسا ؟؟

البانر : وهو نظام لطلاب حيث عن طريقة بإمكان الطلاب والطالبات الإطلاع على نتائجهم النهائية , وتسجيل وحذف المواد , ومعرفة عدد الساعات اللتي تم أجتيازها , ومعرفة المعدل الخاص بك .. كل ذالك يتم عن طريق نظام البانر .

متى اقدر ادخل له؟؟ لما تبدأ الدراسه ؟

في أي وقت أذا كان لديك الرقم الجامعي .. بس أنتي ماتعرفين الرقم الجامعي !!

شوفي يوم أنك قدمتي أورقاك .. عطوك ورقة جزء لك وجزء تم أرسلة .

شوفي الجزء اللي معك .. مكتوب بيناتك وأسمك وغيرها ,, راح تلقين شي أسمة " الرقم التسلسي " وغالباً يبدأ بالرقم " 2 " هذا هو الرقم الجامعي = الرقم التسسلي المدون لديك في ورقة البريد الممتاز .

وبإمكانك معرفة رقمك السري الذي عن طريقة يتم أدخالك إلى نظام البانر :-

أولاً : أدخلي غلى هذا الرابط : http://www3.kfu.edu.sa/Retrieve_ban_pass/login2.ASP

ثانياً : لديك خانتان ,, الخانة الأول وهي الرقم الجامعي " الرقم التسلسي "

الخانة الثانية وهي السجل المدني .

دخليهن .. وراح يطلع أسمك ورقمك السري وتنسخين رقمك السري وتحطينة في نظام البانر .



وشنو الرقم الجامعي او اسم المستخدم؟؟

الرقم الجامعي = أسم المستخدم .


وكيف اقدر منه احط جدول دراسي مادري شنو دخلت الموقع حق الجداول بس ماعرفت ومافهمت شي
كيف احط جدول وهل احطه الحين ولا لما تبدأ الدراسه ؟؟

لاتخافين جدولك مظبط ومهجز لك ,, بحكم أنك طالبة جديدة .. أول فصل جدولك مهجز .. والفصل الثاني عليك التعديل .

والجدول يطلع قبل أو عقب الدراسة .. وبـ أمكانك التشيك على جدولك من هنا :

http://weeklyschedual.kfu.edu.sa/index.asp

*علما بأن " اسم المستخدم" هو الرقم الأكاديمي للطالب و"الرمز السري" هو الرمز السري لنظام البانر




ساعدوووووني وفهموني مو حابه اروح الكليه وانا مو فاهمه

ترا كل شي راح يسهل معك بالتدريج بإذن الله سبحانة ,, أن شاء الله أفدتك على السؤال البريء

أن كان عندك أي سؤال حنا حاضرين :)

لاتنسونا من صالح دعائكم .