هوا صح في سد شواغر .. بس عيبو إنو مو أكيد كل أحد بينقبل!!

ممكن مرررة شوية وممكن حتى ولا أحد !! لإنو سد الشواغر حكايتو إنو لو في بنت انسحبت يحطون وحدة ما انقبلت بس إنو نسبتها أقل من آخر نسبة بشوية .. ويلا يشوفون كل اللي ما انقبلو ويختارون أعلى وحدة نسبتها بينهم ..

وممكن ما في أي وحدة تنسحب .. عشان كذا أقولكم مو مضمون لا تعتمدون عليه

ما أبغى أحبطكم بس أبغى الخير لكم .. ما أبغاكم تقعدون تستنون وتروح عليكم سنة لا سمح الله

لا تقولون عادي أستني السنة الجاية .. بالعكس أحس قبول الوحدة لما تقدم على سنة غير سنتها مو مضمون ..

وفي تخصصات قريت بس تقبل خريجيين نفس السنة ..

سجلو في المنحات الداخلية أو الخارجية بسرعة .. وفي أكثر من جامعة أهلية مرة زينة ومعترف فيها لإنها تدخل في البعثات

وبقي 6 أيام على تسجيل المنح فبسرعة سجلو .. لإنو كل اللي ما انقبلو ما شاء الله باين طموحين =)

هذا الـ link للي تبغى تسجل أو تعرف الجامعات
http://grants.mohe.gov.sa/ApprovedFaculties.aspx

في كل شي عن المنح في موقع الوزارة .. وإن شاء الله كل الشروط تنطبق عليكم هيا مرة سهلة ..

وتنقبلون يا رب وتفرحون وتفرحون أهاليكم