هااي

انا بتكلم عن الدكتورات الي درسوني بالسنه التحضيريه

الانجليزي .. دكتوره فاتن الحاج .. تونسيه مدري جزائريه

كلامها كله انجليزي وماتعرف تشرح كويس

صحيح إنها تعيد المحاضره مليون مره .. بس الي مايفهمون انجليزي ماراح يمشون معاها

عكس الي يفهمون ..

في مره من المرات وربي جلست تتكلم لنا فرنسي ..بعدين تقول يؤ بنات انا اتكلم فرنسي مدري نسيت ..

تقول ليش ماقلتو لي ونبهتوني؟

انا قلت في قلبي لا انجليزينفهم لك ولا عربي نفهم لك

حتى لو تتكلمين روسي ماتفرق ههههه

دكتورهـ إزدهار الحريري .. دكتوره نااايس مره وفله وخفيفة دمـ

المحاضره معاها تمشي بسرعه .. وطول الوقت سوالف ومواقف عنها

الي بيختار دكتورة انجلش ..لايتردد يختااارها وهو مقفل عينه

دكتور أشرف حمودهـ .. الاحصاء .. امم دكتور مصري

انا بالنسبه لي ماكنت افهم عليه وكان سريع في الشرح

ومايحدد شي نذاكره عكس دكتورات الشعب الثانيه

واذا احد قاله مافهمت نقطه معينه يقول انتي حليها معاي

يعني ورطه

دكتورة إيمان شومان ..علم اجتماع و احصاء

دكتوره مره ذوووق ..تساعد البناات مره مره

وتحدد وشرحها مره ونااسه ..

احلى دكتوره بالكولج هي

تلاوهـ وتجويد نسيت اسم الدكتوره بس شي القحطاني

عصبيه مره وماترضى تدخل البنات الي يجون بعدها للكلاس

دقيقه مره في الوقت وفي القراءه .. يعني كانت مسببه لنا رعب



بس عادي حلوهـ .. يعني شخصيتها تعجبني ^_^

دكتوره منى بشر .. عربي .. مصريه .. ماتعجبني

درستني قراءه ومحادثه ..

دكتوره منال بسيوني ..عربي.. المحاضره في وادي وهي في وادي

هي درستني تذوق ادبي مافيه اختبار

هذا احسن شي لو فيه اختبار كان حملت المادهـ

هي أخلاقها حلوه وخفيفة دم .. بس شايفه حالها كثيير

وماتعرف تشرح كويس

دكتوره وداد القرعاوي .. دكتوره ذوق وشرحها حلو بس طويل

يعني احيان يجيني النوم .. بس انها تدخل المعلومه للعقوول بسرعه

من كثر الاعادهـ .. هذا احلى شي فيها

وتساعد كثير بالاختبارات

دكتور محمد الزين .. درسني عربي .. سوداني ..

المحاضره بوادي وهو بوادي وينعسس ومايساعد بالاختبارات

دكتورهـ هند عزازي .. ممله مره

دكتوره ريم الملحم .. دين .. اختاريها وانتي مقفله عينك

يخونني التعبير عنها

دكتوره إيمان حماد .. حلوه واختاريها بدون تردد

دكتوره وضحى القحطاني .. حلوهـ

هذي الدكتورات الي اتذكرهمـ .. ان شاء الله أفدتكمـ