|
رد: [ مُجرده من البشر ] .. !
مرتاح ومريح ولا رف لي طرف
...........يوم ان كل لاهي بطرد صيده
هذا يبي عطف وخويه يبي صرف
...........وهذا قطوع وذاك صدره وقيده
الناس من دحديره اليوم لي جرف
...........واللي يبي يرقا يدبر مكيده !
وأنا ترى درعي ماهو سيفي الحرف
...........وصوتي حمامة غصن طارت وحيده
مالي علاقة بالتقاليد والعـُرف
...........انسان .. وكل انسان حاله فريده
مايلوي ذراعي لاصاحب ولاظرف
...........ولا التفت لاخبارهم بالجريدة !
اغازل عذوقي وتدني بلا خرف
...........واطرد بكار افكار .. ما اطرد طريده
مخيرٍ .. و اشاور العقل والعـِرف
...........ولا فيه درسٍ مرني ما استفيده
ياناس .. ماهو نص مكتوب بالحرف
...........وتضيعون اعماركم تحت قيده !
تأملو بأحلامكم .. واغرفو غرف
...........وارضو عن الدنيا .. تعود جديده !
|