ان كان قلبي من عنا الوقت مكسور
حي الجروح وب كسر قلبي مراحب
واجب عليّ أقولك الف مشكور
لان الزمن ماله رفيق(ن) وصاحب
حتى العطا به صار مجحد ومنكور
والزين في ذا الوقت باهت وشاحب
لاعطيت من دمك فما صرت مأجور
جزاك قهر وحزن والقلب ناحب
ماتت مشاعر ودفن الحس بقبور
شهيقها وزفير الايام ساحب
وقفت نبضي في رثا قلب وشعور
والصدر ضايق بعد ما كان راحب
هدّيت رهفة خافق(ن) منك معثور
وقتلتني وأنا لك اشتاق وأحب
مابيك ..!! خل القلب متعب ومكسور ..!!
حي الجروح وب كسر قلبي مراحب
حطمت قلبي.. واجب أقول مشكور
حظي ودنيا مالها صدق صاحب