|
رد: ان تخسرني لتكسب غيري فهذا من شأنك ,, لكن ان تخسر غيري لتكسبني هذا مالا ارضاه
البارحه قلبي من اللي يداويه
.......................ياكود وجهٍ يبري الجرح ملفاه
حامت شياطين الشعرمن بلاويه
...................وسرحت في عالم صعيبٍ بمسراه
هلّت دموع العين هلّت غواديه.
.....................على الذي قلبي من الناس بداه
هذا حبيب ولا عليّه مشاريه
...................عشره قديمه والحكي توّ معناه
ترى الوفا والطيب حق ٍموّفيه
......................ترى الغلا والحب حق موّفاه
وانا الذي من يشري القلب شاريه
.......................هذا محله قلبي واسعد بلقياه
اقلّطه في صدر قلبي وهلّيه
..................ارحب هلا واهلاٍ وننحر له الشاه
ونقدّم الفنجال والهيل حاليه
...................اشقر مقره من ورى الهند مجناه
ادعيك من قلبي وانا الغير مدعيه
.................مشتاق انا والشوق وشلون ابنهاه
في داخلي حربٍ من الشوق مذيه
..................والصبر طعمه مر وكيف اتحلواه
وختم قصيدي عد ماهب ذاريه
.........على النبي اللي طريقه مشيناه
|