المشاركة الأصلية كتبت بواسطة جوري الملتقى

يسعد صباحكم ^_^
وكل عام وانتم بخير

موضوع مفيد جدا شكرا دموع الورد ..

بتناقش وبتفلسف معكم شويات

بالنسبه للجداول وترتيبها .. انا كذلك غير مؤيدة بالالتزام بالخطه بحذافيرة لعدة اسباب ..
منها :
1- من يطمح لرفع المعدل ينبغي عليه تقليل المواد + ترتيب المواد باحترافيه
2- البعض يفضل انه يمشي على الخطه ويرفض فكرة تأجيل مادة لكن .. واجهته مشكله !! بنفس اليوم فيها مادتين او المواد مرتبه ورا بعض بشكل متعب جدا .. هنا ينبغي ترتيب المواد بأحترافيه كيف ؟ يقدر اذا كانت الخطه عدد مواده 8 (( مثلا)) يستبدل مادة او مادتين من المستوى اللي تليه ويأخذ في الحسبان جدول الاختبارات النهائية بحيث مايكون فيه اي ضغط ابدا
يمكن تقولون لي .. ترتيب المواد ورا بعض او مادتين في يوم مو مشكله لو تم المتابعه اول بأول .. فعلا كلامكم صحيح .. لكن .. بيكون مرهق نوعاً ما وقت الاختبارات .. فلو يتم الترتيب بقدر الامكان بترك يوم راحه بين كل مادة او كل مادتين افضل وصحي اكثر ..

بالنسبة لمواد المستوى الثالث و الرابع بتكلم عن كل مادة بوجهة نظري
مهارات التفكير & علم النفس التربوي .. قرأت مشاركات كثيرة يتكلمون عن صعوبتها وتعقيدها .. هالمادتين تعتمد بشكل رئيسي على الفهم ومتابعه شرح الدكتور .. اذا سمعتوا كل محاضراته بتركيز ماتحتاجون للمذاكرة شديدة وقت الاختبارات فقط مراجعه لما تم ذكره في المحاضرات وانا اضمن لكم +A بإذن الله

مدخل إلى الاعاقه العقلية & مدخل إلى الأعاقة البصرية & مدخل إلى تربية الموهوبين & .. مواد رائعه جدا جدا جدا وسهله وممتعه

مدخل إلى الاعاقة السمعية & مدخل إلى صعوبات التعلم .. مفيدتين لمن اراد التخصص لاحداهما .. معلوماتها ممتعه لكن الاكتفاء بالمذاكرة وقت الاختبار فقط لا يكفي .. يحتاج للمتابعه ..

مقدمة في تأهيل ذوي الاحتياجات الخاصه & الصحة النفسية لذوي الاحتياجات الخاصه .. مراح اقولكم دســـم لكن يحتاج لتركيز ..

تطبيقات الحاسب في التعليم .. مادة سهله ومفيده

الاضرابات السلوكية وتعديل السلوك & مهارات التواصل لذوي الاحتياجات الخاصه .. كلاهما عدد ساعاتها (( 3 )) والكثير تخوف منه .. لكني امئنكم بانهم من اسهل واروع واجمل مادتين في المستوى الرابع

استراتيجيات التدريس .. مادة جميله جدا ومفيدة .. يحتاج للتركيز في المذاكرة ويعتمد على الفهم بشكل رئيسي ..

التقويم التربوي .. مادة نوعا ما دسمه ومواضيعه متشعبه يحتاج للمتابعه من بدايه الترم ..


اتمنى قدرت افيدكم ولو بشي بسيط من خبراتي السابقة

تحياتي