ياكثر ماني لك يالغلا مشتاق
وياكثر ما ياخذني لخلي الشوق
شوقي لها عد ما ظهر نورالاشراق
وعد مادن الرعد ولاحت البروق
تسوق روحي والروح لعيونها تنساق
وتوردها سوق الهوى والهوى سوق
فيه يشرى الوصل ويباع الفراق
وفيه يباع الوصل ومن يبعيه مطفوق
واناشريت الوصل وهو معي باق
وشديت حبله حتى صار موثوق
ومادام صوتي راقك وصوتي لي راق
نكتب في الهوى عهود ووثووق
اول عهد ياخلي سجل في الاوراق
ان الوفاء باقي بيننا مانبوق
والثاني نضمن نجاح الحب بدون اخفاق
مادام في كل منا طرفن يموق
والثالث يبقى حبنا لماع براق
واضح بين للملا ماهو مدروق
والا ياخلن من عقبه القلب منعاق
عوقه انه يخفق ولاكنه خفوق
عقب طال الفراق وفراقك ماينطاق
زاد حروق قلبن قبل هو محروق
يحرق جوفي الشوق والشوق حراق
ول عذاب نفسي والله اني ماتوق
ان كنت ياخلي ل عذاب روحي تواق
ابعد وصد وعزالله انك بي مرزوق
كل ماقفيت عني لحقتك يابواق
واقول لا بد كل مطرود ملحوق