الشعر وصف المشاعر والدليل
تفرق القيفان من مضمونها
والقوافي لو على لساني تسيل
قبل اغنيها كحلت عيونها
مالكم بالعلم ....والهرج الطويل
الليالي كشرت بسنونها
قبل لاااردد ايا .. مطولك ليل
بشروا ليلى عقل مجنونها
والغياب اللي نفض جمر المليل
ضيقتن مات العقل من دونها
غبت يوم ان القدر زاح الحليل
غابت القمرا وانا مضنونها
لي ثلاث ايام في راس الطويل
عيت عيوني تضم جفونها
فالسماء ياكم آخيل ..وكم آخيل
غيمتن تهطل علّي مكنونها
اخنق العبره ...واجوّد بالشليل
لو ربوعي قدمي يطرونها
اصبحت عندي بشبه المستحيل
نفسي القشرا ذبحها شجونها
مالكم بالعلم ...والهرج الطويل
بشروا ليلى عقل مجنونها