|
رد: هم الواجبات والمحاضرات
بشرح لك نقطه نقطه  
اولا تقدر تحصل عـ الدرجات من ( حضور المحاضرات المسجله + المباشره + الواجبات + المشاركه في منتديات الحوار ) أوكيشن 
ومجموع درجات كل ماده طبعا (( 100 ))
وتوزع عـلى ::
حضور المحاضرات المباشره + المسجله عليها ( 10 ) درجات
الواجبــآت عليها ( 10 ) درجات
المشاركه في منتديات الحوار اللي يوجد في البلاك بورد ( 10 ) درجات
ويصير مجموع المشاركه (((( 30 ))) أووكي
يعني بيدك كم (((( 30 درجه ))) صح
و ( 70 ) درجه بالأختبار اللي هو عباره عن سبعين سؤال أختيار متعدد
وأحسب اللي فوق ال 30 حقت المشاركه اللي بيدك مع 70 حقت الأختبار = 100
ودرجة النجاح من (( 60 )) درجه  بالسهوله تقدر تجيب 30 بالورقه و 30 بالمشاركه
يصير ((( 60 )) وتنجح بـإذن الله
الحين خلصنا من النجاح
يعني ال 30 حقت المشاركه تحفيزيه لرفع المعدل مو للنجاح > للي يبي معدل
كيف تحضر المحاضرات ..
كل بداية أسبوع تنزل محاضره لكل ماده 
وعندك كل هالأسبووووووووع تحضر فيه المحاضرات المسجله
سواء بالليل بالنهار أي وووقت فاضي تقدر تحضرها
ومو شرط لأزم تحضرها بنفس الأسبوع اللي تنزل فيه
عادي لو بعدها بكم أسبوع لأنها ( محاضره مسجله وبمجرد دخولك عليها بأي وقت تسجل لك درجة الحضور )
^
هذا بالنسبه للمحاضرات المسجله
الحين نجي للمباشره
طبعا المباشره يحددون لك وقت الجامعه وينزلون لك الجدول تبع المحاضرات
ويقولون لك كل محاضره ووقتها > طبعا كل المباشره مسائيه
وتشوف الدكتور وتكلمه يـ بالمايك أو كتابه وتسمع إستفسارات زملائك الطلبه
ورد الدكتور عليكم ويشرح لك كككل ششئ يستصعب عليكم
وإفترضنا لا سمح الله مـآقدرت تحضر المحاضره المباشره
أبدا ما تروح درجتك بإذن الله
تنزل بعد 24 ساعه محاضره مسجله وتحضرها وتحسب لك درجة الحضور حالك حال اللي حضرها مباشره
الحين نروح للواجبات كيف تحلها
ينزل لك بالسمستر = الترم
3 واجبات تقريبا > والأكيد إن شاء الله
وعندك السمستر كله مفتوح لك الحل متى ما بغيت تحل حل
والحين نروح للمشاركه بمنتدى الحوار
منتدى الحوار موجود عندك بالبلاك بعد ماينزلون لك الرقم الجامعي + السري + المواد
تدخل هينا http://lms.kfu.edu.sa/
وتجيك خانة منتديات الحوار طبعا موجود في هالمنتدى أسمك الثلاثي
وينزلون لك قضايا مناقشه يـ مع دكتور الماده او تناقشها مع زملائك الطلبه
وهي عباره عن 14 مناقشه > لأن مجموع المحاضرات اللي بتنزل لك ان شاء الله ( 14 ) محاضره لكل ماده
ومتى مابغيت تحل مناقشاتك حلها مالها وقت معين بسسس لازم قبل نهاية السمستر تكون مشطب ع أمورك
وبالنسبه للكتب والملازم > يقولك دكتورك اذا يبي كتاب بيقول كتاب واذا يبي ملزمه نزلها لك بالبلاك بورد وتطبعها > طبعا قله اللي يطلبون الكتب 
وهينا الأخوان والخوات الله يجزاهم خير ما يقصروون بالملخصات والملازم 
بس أنت ضبط أمورك ورتب جدولك عـ فضاوتك وخذ الأمور بجديه وأبشر بالخير ..ْ~
و أن شاء الله أستفدت من اللقلقه 
و آسسفه عـ الإطاله ..ْ~
موفق كل خخير ..ْ~
ردي هذا كان بالموضوع المثبت
|