ليه العناد وليه يكثر تجنيك
يلي جرحت القلب تلقى حسابك
ان كان تجريحي يسرك بهنيك
انا الجريح الي وقف عند بابك
بعدك يجرح قلبي الي مهاويك
ماعاد يقوى القلب زايد عذابك
تجرح خفوقٍ دايم الدوم يغليك
خف ربي الي من ولا شئ جابك
في من وهبك القلب والروح تفديك
وسكن بوسط العين حضرة جنابك
اشواقه امست كلها في حراويك
وده لك يعاتب ويسمع عتابك
وياما تمنى لايخيب الرجاء فيك
لاكن بعثرته بكثرة غيابك
وصرت الوجع للقلب لا حل طاريك
من يوم صار الهجر وزاد وشرابك
اعرف ترى هذا الليالي دواليك
لامن صفت لك لايغرك شبابك
رح ياعساك تطيح في من يعنيك
يشغلك في الدنيا ويكثر عقابك