|
رد: سجل حضورك اليومي بكتابة بيت من الشعر
يا طير قل لــه مـا شقيــنا بصده *** لا يحسـب إنـّا من صدووده بكينـا
النفس طابت منه والقـلب ضــده *** مـا عـاد ابي شـوفه يمينن يمينـا
ما أبيه لو جاب البحر شرق جده *** ولـو جر ضلع طويـق يم طور سينـا
والله يا لو يمسح على القــاع خده *** ولـو قدم الخيـرات سمن وسمينـا
ولــو تــأسف لــي وكفـــه يمــده *** ويقـــوول راضـــونــا ترانــا رضينــا
مـا ارضى عليه ولا عيــوني تلـده *** حنـــا ليـــا منــا جفينـــا جفينــــا
خلــه يبيـّـح جـور الايــــااام سـده *** ويشكي من طعون الزمن ما شكينا
يـا مــا سكتنـا والغلــط مــا نعـده *** نسكـت وكنــا يالغضــي مـــا درينـا
وكم واحد ٍ غــالي عشانك نهده *** نـزعـل عليه وعـارفين انــه يبينـــا
مـا فــاد فيك وصبـرنـا وصل حده *** رح فكنـــا واســلـــم ولاااا تبتــلينـا
قد قيل هرج ٍ تستحي منه بــده *** بنقول لك هرجـن ولـو مـــا استحينـا
(الكحـــل كبــه والشعــر لاتكـــده *** حنى خذينــــا اللي نبـي وانتهينــا)
|