السلام عليكم و رحمة الله و بركاته
يسسعد صبآإحكم و مسآءكم

وعليكم السلام ..

بـِ اسمي و اسم دفعتي دفعة 2011 و قبل زحمة العيد و التجهيز للجامعة عندنا كم استفسار و نرجو الإفادة من السنوات اللي قبلنا و خاصة طالبات دفعة 2010 لأنهم نفس خطتنا الدراسية
حياكم الله حبيبتي.. والشكر موصول لرووح شفافه لأنها ماقصرت بالرد بس برد باللي اعرفه يمكن يفيدكم شي من هنا والا هنا

- الدوآم الفعلي في العام الماضي متى كآن ! هل مع أول يوم دراسي !
, يعني هل يفترض علينا الحضور في تاريخ 12\10 و هل هناك دراسة و محاضرات؟

المفروض من 12/ 10 نداوم حالنا حال بنات المدرسه وليس بنات الجامعه ..
بس اذكر بالسمستر الاول السبت سووا لنا حفل ترحيبي بسيط وعرفونا على الستاف وكذا يعني مافيه دراسه أما السبت بالسمستر الثاني أغلبنا غابوا بس كان فيه شرح


- أحد عنده معلومة عن وين آستقروآ يحطونآ ؟ كوننا الدفعة الثالثة ,

اممم يقولون بناخذ مبنى الاولاد كله وبينقلونهم هم لكلية الآداب
وبنفس الوقت جالسين يبنون قاعتين جنب مبنانا
يعني يابندرس كلنا بمبنى الاولاد أو بيخلصون هالقاعتين قبل الدوام وبتصير وحده لكم والثانيه معمل
وللحين طبعاً ماتحدد وش راح يصير بس بكل الحالات انتو تعالوا المبنى اول يوم ونشوف وش ناوين عليه


- كيف كان تقسيمكم في كلية الصيدلة ’ هل كان نفس التقسيم لما كنتوا في التحضيرية , بمعنى نفس تقسيم الطالبات و لآ غيروآ التقسيم ؟
( دفعتنآ 42 طالبة )
مثل ماقالت روح كلكم بتكونون مع بعض بكلاس واحد وبالمعمل يقسمونكم قروبين ..

- اللآبكوت هل حنآ نشتريه و نفصل و لا هم يوفروه لنآ ؟

انتو تشترونه

- لمحة سريعة عن الموآد , أفضل الدكاترة اللي صادفوكم , و بمآذآ تنصحونآ =)
مواد السنه الاولى بشكل عام تعتبر مقدمه بالصيدله مافيها مواد صيدله كثير اغلبها مواد طب
اذا انتو نفس خطتنا راح تدرسون بالسمستر الاول 6 مواد

علم التشريح والانسجه >> يدرسكم دكتور بس مرره سهله الماده
علم وظائف الاعضاء >> سهله وممتعه وكان يدرسنا دكتور رائع جداً
اساسيات الصيدله >> من اسمها اساسيات بالصيدله.. اللي مخلي الماده حلوه هي الدكتوره آرشيا أفضل دكتوووووره بالكليه كلها
كيمياء عضويه >> نفس اللي درستوها بثانوي بس بتعمق اكثر
كيمياء حيويه >> << ماودي تكرهون الماده ودكتورتها بسببي
توعيه صيدلانيه >> جداً جداً سهله .. اغلب هالماده كانت مصطلحات طبيه .. اللي اعرفه انكم خذتوا هالماده بالسنه التحضيريه فما عرف كيف راح تكون الماده

طبعاً هالمواد والدكاتره احتمال كبير يتغيرون لان كل سنه يغيرون بالخطه الدراسيه وكل سنه يجيبون دكاتره جدد .. يعني لاتعتمدون على كلامي 100 % بس اهم شي تاخذون فكره بشكل عام عن الوضع

الدكاتره بشكل عام يمشون الحال..وانتو طبعاً لاتعتمدون عليهم تماماً
وتعلموا كيف تصيرون انتو الدكاتره بعض الاحيان ( SELF STUDYING )




شآكرين لكم و الله يوفقكم
العفوو حبيبتي..
وأنا متحمسه بتجينا دفعه جديده على الاقل نصير زحمه ونحس ان حنا بجامعه
حياكم الله وبتنوووووووورونا