المشاركة الأصلية كتبت بواسطة د:مشاعل اخوي الله يخليك انا ماعرف شنو يعني تسجيل مقرراة تيب بس لو كان معناه اني اختار المواد وعدد المواد الي بذاكرهاا كيف الطريقه وكيف اختار المواد ممكن اخوي تعلمني بتفصيل من جد شايله هم ابي اجيب معدل حلو لاني جد السيمستر الاول ماجبت اي معدل وغير اني حملت مادتين ودي و وردي

على الله سهالات إن شاء الله ..

لايضيق صدرك ، بإذن الله بتعرفين كل شي .



تسجيل المقررات عملية سهلة جداً ولكنها دقيقة جداً في نفس الوقت :

تفتحين جدول المقررات للمستوى الدراسي اللي بتسجلين المواد منه .

راح تشوفين في الجدول كل مادة جمبها رقم مرجعي (اللي هو رقم الـ CRN )

تفتحين موقع في الجامعة اسمه (البانر) وتضغطين على خيار التسجيل

بتشوفين خانات مستطيلة

تنسخين الرقم المرجعي (الـ CRN ) من الجدول وتلصقينه في الخانة المستطيلة

كل خانة تلصقين فيها رقم المادة اللي تبين تسجلينها

تضغطين على تنفيذ وراح يقول لك ان هذي موادك اللي سجلتيها .

وانتهت السالفة .




باختصار شديد عملية التسجيل يعني انك تاخذين رقم الـ CRN للمادة وتحطينه في البانر وتضغطين تنفيذ وخلاص تكونين بذلك سجلتي موادك .


لكن عملية التسجيل هذي لها ضوابط .

ايش ضوابطها ؟

أهم شي تاريخ التسجيل

لازم في كل فصل دراسي تدخلين على موقع اسمه التقويم الدراسي وتخزنين التواريخ اللي تشوفينها فيه عندك عشان مايفوتك شي .

كل فصل دراسي له تقويم دراسي خاص فيه (على نفس الموقع لكن كل فصل يتجدد التقويم)

وبرضو لازم تسجلين ساعات على حسب معدلك (لاحظي التسجيل ليس على عدد المواد ولكن على مجموع ساعات هذه المواد)

ترم القبول فقط هو الترم اللي تنزل لك فيه المواد تلقائياً من الجامعة .

لكن الأترام الدراسية التالية لترم القبول سواء كنتي ناجحة في كل المواد أو حاملة كل المواد أو ناجحة في بعضها وراسبة في بعضها الآخر أو مأجلة ترم القبول وراجعة للدراسة في الترم اللي يليه ...الخ

لازم تسجلين موادك بنفسك


الآن راح أحط لك روابط تساعدك في فهم الضوابط والتفاصيل لعملية تسجيل المقررات: