ملتقى طلاب وطالبات جامعة الملك فيصل,جامعة الدمام - عرض مشاركة واحدة

بيان باراس · #1 2011- 8- 29

ليلة سبع وعشرين من رمضان ..كانت اروع يوم برمضان ..فاليكم تفاصيل تلك الليله ..

بعد صلاة العشاء توجهوا اهلي الى السوق الا انا واختي فاني ابغضه اشد البعض وما صدقت في يومين قضضيت حق العيد ...

رجع الوالد للبيت بحكم انه مافي احد معنا وخطر نجلس لوحدنا خصوصا ان الفله حق جيرنا قبل ايام تم السطو عليها من حراميه ..والفله اللي قبلنا امهم رجعت من الخارج ووجدت جميع ذهبها مسروق ..والجيران اللي لازقين بجدارنا مرتين تسرق الاسلاك من داخل الجدران اثناء بناء الفله ..وازيدك من الشعر بيت ..الجيران اللي لازقين من الجدار الثاني ..دخل والدهم يسالهم من اللي كان عندكم قبل شوي ...فردوا انه ماحد جانا ..تفقدوا البيت وجدوا انبوبه الغاز مسروقه ..والاب ي غافل لك الله راجع من الدوام شاف واحد يجري خارج من بيتهم فحسبه زاير...<< لايغركم اللي بينط بيتنا بيدووخ

كل باب في البيت نقفله لخرجنا

الموهم وين طلعت من سالفتي

رجع لنا البيت ...ويللا انا واختي نرتب ونجهز حق العيد..

جاء ابوي س 12 وكعادته طلعاااته فجااااءه ..يعني ممكن اول يوم العيد قبل الصلاه يقووول يللا ع جده او الدمااام يمديكم ولا لا ..
قال يللا خذو السحور بنتسسحر برااا يمدييكم ولا لا ...الموهم ما امدانا ناخذه معنا ..

مرينا على اهلي بالسوق ...وبدينا الرحله الوناااااااسه ...

نصلي بالراجحي ولا القاضي ( مع الشيخ ناصر القطامي ) ...تصويت

اخلاف الاراء ..

قالوا جوعانين ..قضوا من البقاله وعلى الررااااااااااحه ماااشين ...الى ماتم التصويت الاكثر على القطاااامي ..

وصلنا للمسجد

وكااااان ززززززحمه ززززحمه ززززحمه ليله 27

الجو ايماااااااني مطمن رهييييب ..الخيااام ممتليه والمسجد فل ..الحررريم نصلللي بالشاااارع وقدااامنا الرجااال من الزززحمه

وما شاء الله التنظيييم فضيييع الله يجزاااهم الجنه

الشيخ بكى الى ماقال ااامين والمصلين معه ..الشيخ ناصر القطامي يصورر الايااات تصوييير ..يقرا لك الايااات وكاانها تخاااطبك لوحدك ..ما شاء الله وتباارك عليه

وبعد كذا الدعاء

المسجد وررربي الارض تحسونها بتنهد من بكاء المصلين ..الله يرحمنا برحمته ويعيد هالجواء علينا ..
ما بقى احد الا ودعى له الشيخ الله يجزااه الجنه ..

خلصنا الصلاه والحمد لله

طلعنا

نمشي البيت مايمدي نتسحر ..نشتري من مطعم الوقت متاااخر

ونلف نلف ..كل مايدخل الوالد مطعم يقولوا خلص ..والحمد لله بالاخير لقينا مطعم وكنا اخر شي ..

تسحرنا على رصيف بنك الرياض ..قدام مكتبه جرير << مفكره بالمكاان

بعد كذا توجهنا لمسجد الراجحي نصلي الفجر ..والحمد لله صلينا ..

وحنا راجعين بالطريق اختي تحكي لنا ..

تقووول صلت بجنبها وحده ميته بكاااااء بشكل مو طبيعي ..مقطعه نفسها الحرررمه ..كل مابكاء الشيخ صاحت اكثر ولا قااال الله ..رددت ودخلت نوبه بكااء اقوى

العجيب واللي سبحااان الله اللي قذف خشيه بقلبها

يوم خلصت الصلاه اختي تكلمها ..ماتفهم ..كلمتها بالانقلش ..وفهمت انها مو عربيه

طلعت كشمريه !!!

سبحااان الله طيب انتي مو فاااهمه شي مو فاااهمه معاااني الايااات من ايش تبكي ؟

سبحااان الله !

انتهت رحلتي

والان بإذن الله خاااارجه احضر الختم مع الشيخ ناصر القطامي ~

حفظكم الباري

استودعكم الله