ملتقى طلاب وطالبات جامعة الملك فيصل,جامعة الدمام - عرض مشاركة واحدة

Liza phantomhive · 2011- 8- 29

اقتباس:

المشاركة الأصلية كتبت بواسطة ياسمين باش

مرحبا بنات عيدكم مبارك مقدما

امممم حبيت استفسر من اخواتنا الكبار كيف كانت برايكم السنه التحضيريه ودراستها وموادها صعبه

,متوسطه

,سهله

اتمنى تجاوبوني وايش كانت اصعب ماده فيها؟؟
ولبنوتات السنه التحضيريه كيف تتوقعون السنه التحضيريه سهله

ولا صعبه

مبارك علينا وعليك يارب ق1..

اممم بما اني بردي اللي قبل قلت عن الفيزياء والرياضيات راح اكلمك عن الباقي..

وطبعاً اعيد وازيد المواد جملةً ماهي صعبة أبداً لكن على حسب الدكتور او الدكتورة..

الكيمياء..

جداً جداً كاان المنهج ممتع.. أخذته مع الدكتور حسين جلال..وشرحة لايعلى عليه..الله يذكره بالخير واسئلته معقوله جداً ومن شرحه..

المعمل برضو سهل جداً وكله احماض وقواعد جداً سخيفه ومارة عليكم بالثانوي ..

+ مسلي مرا..أحسن معمل تقريباً..

نفس الشي أعيد وأزيد جمعوا درجات قد ماتقدروا بالشهري..لنو النهائي مو مضمون..

السنة اللي راح كان مرا مرا سهل الحمدلله النهائي..وماتوقع حملها كثير ..

-----------

الأحياء..

علم الحيوان..

دسم لكن مرا حلو..يعني اذا انتي شاطرة بالحفظ تعدي بإذن الله..واذا مو شاطرة..جمعي درجات بالاختبارت القصيره لنو الجزيئه بتكون صغيره ويسهل عليك تذاكيرها..

انا اخذت هالمادة مع د.هالة الطنطاوي..

كانت تشرح على عروض باوربوينت..

نفس الكتاب بس بنقاط..

كان الكتاب كبير بشكل..والخبر الحلو انكم بتدرسونه كله بالنهائي

والخبر الاحلى انو النهائي بيكون آلي وسهل بإذن الله..

معمله حلو ومو صعب .. بس يبي لك تحضري كل المعامل وترسمي كل المجاهر وتفهمي وتكتبي..لنك بتذاكري من دفترك..

------

علم النبات..

ممل شوي لكن سهل.. ومنهجه قصير..

معمله نفس الشي يجيب النوم ههههههه لكن سههههل وحركات الجزر والخلايا في البصل وكذا..

سخافه اقلكم بس هم يستهبلون شوي..

والنهائي طبعاً بيكون مدموج مع الحيوان بنفس الاختبار.. لككن آلي بيكون..فبيكون أسهل بإذن الله..

ويالبى الأحياء ياخي< ماحد يمدح قسمة أبد xP

------

الصحة واللياقة..

مادة أسخف منها مافي

احنا ماجابوا لنا لها دكتور الا قبل الاختبارات بشهر ظني ..وحشرنا كذا حشره محترمه ..

لكن حدد لنا ونذاكر من الملزمه.. والنهائي آلي كان.. سهلل مرا ..تجيبوا A او B بالراحة بإذن الله..

--------

بالنهاية كلامي هذا جروح قالته تقريباً من قبل وماجبت شي جديد لكن ماحبيت اردك ياحلوه :)

الله يوفقكم ويسهل عليكم

ونصيحة..

استمتعي بالدراسة حتى لو صعبة تسهل عليك..اقري اشياء اضافيه تعلمي اشياء برا المناهج ابحثي بالنت عن فيدوهات اشياء تسهل عليك وتوصل لك الفكره بأبسط صورة..

اكتبوا ولخصوا ترا الكتابة مهممممممممه جداً جداً جداً ..مافي زي لما تكتبي بدفترك وتسجلي ملاحظاتك وكل شي ..

وانتبهوا على دفاتركم ترا تنسرق ..خصوصاً أيام الاختبارات النهائيه..

واللعب والسحب على المحاضرات أبد ما انصحكم فيه..احضروا ترا لاتحسبي انو بس لو تقري المحاضره بتفهمي..

الدكاتره اغلب شي يعتمدوا على شرحهم بالاأسئلة..

ركزي كذا والبسي نظارة واقعدي قدام وافهمي وشاركي..

اي شي اي سؤال انا حاضره..

ولاتقولوا اني اختكم الكبيره ترا مافي فرق كبير..

انا اقرب للصديقة :) ق1