هلت دموعي من الم صار موجود
قلبي كساه الهم والهم زادي
زاد الالم فيني واليوم مقصود
يوم احسبه من قبل هين وعادي
كل مارسلته بخير لفا وصار مردود
وابعده لبعيد(ن) يجي من بعادي
وكل ماذكرت انه بها اليوم محدود
اصبح يدوم في دنيتي والمدادي
وانشلت افكاري وهالبال مشدود
عن ماحصل فيني وذا الحزن وادي
وانكد يومي كد واصبحت مكدود
واسلمت نفسي للعنا مع كدادي
لابد مايرحل بي الهم ويعود
وانسى انا الاوجاع ساعة وكادي
واتذكر ذنوبي وابدلبها الجود
واخلي الرايه بهاالجود جادي
هذا حزن معدود والله معدود
والاانا مالي بهالحزن نادي