بسم الله الرحمن الرحيم
السلام عليكم ورحمة الله وبركاته
:




كثير ما نشوف مشهد انه شخص يدخل المستشفى (لان احد خواته او زوجته او امه .. الخ)
مريضه .. واول كلمه يقولها نبي دكتوره (لانه ما يرضى ع محارمه يروحون لدكتور)

ولكن لمى تجي اخته تبي تدخل قسم طب او تمريض

تقابل بأشد انواع الرفض .. وانه عيب
وما عندنا بنات يشتغلون بمستشفيات .. استغرب من هـ التفكير العقيم
اللي لا يودي ولا يجيب ..

كيف انت تبي محارمك يدخلون عند دكتوره

بينما انت ترفض ان اختك او زوجتك او حد قرايبك تكون ممرضه او دكتوره
ليه حلال ع بنات الناس وحرام ع بناتك

.. بصراحه هـ التفكير يقهر

/

واحمد ربي ان ماعندنا مثل هـ العقليات بعائلتنا ..

انا بنات عمتي

وحده دكتورة تغذيه .. والثانيه مترجمه بمستشفى .. والثالثه ممرضه
وانا ادرس تربيه ع امل الالتحاق بهم .. والله يسهل لي
:
سوال هنا ..
وش نظرتكم للبنت ( الدكتوره .. او الممرضه )؟
وهل ترضى انك ترتبط بها ؟
وهل ترضى ع احد محارمك انه يدخل هـ التخصص ؟؟
:
وانتي كـ بنت .. هل ترضين تشتغلين دكتوره او ممرضه
في حال الجواب كان (لا) اتمنى التوضيح .
وحتى اذا كان الجواب (نعم).. اتمنى تذكرين الاسباب .

بأنتظاركم