|
رد: متى ارسال الوثائق .. وكيف اغير التخصص
اقتباس:
المشاركة الأصلية كتبت بواسطة غلا السعوديه
جزاكم الله خيراا وكل عام وانتم بخير
انا ولله الحمد تم قبولي .. ولكن كيف اغير تخصصي من لغه عربيه الى علم اجتماع ؟؟
وانا الى الان لم ارسل الوثائق الرسميه ؟؟
ومتى ارسلها ؟
وافضل ايش لغه عربيه او علم اجتماع
وكيف اسوي جدول لي ؟ وكيف طريقه الدراسه والمحاضرات والله مااعرف شيء ابدا ولاعندي احد اسأله
الله يسعدكم ساعدوني
اعتبروني اخت لكم |
وانتِ بخير وعيدكم مبارك ..
الوثائق معك حتى تاريخ 17 شوال حسب التقويم الزمني وفي النماذج مكتوب حتى تاريخ 19 شوال
لكن من الأفضل ترسلينها بدري حتى يرسلون لك الرقم السري للدخول على النظام والبدء في تنزيل محاضرات المواد ..
وتغيير التخصص يتم بعد انهاء مستويين دراسيين واجتياز 24 ساعه على الأقل ..
وطالما تبين تغييرين التخصص من لغه عربيه الى علم اجتماع .. فالمواد في المستوى الأول والثاني نفس الشيء بحكم انها كلها تندرج تحت كلية الآداب ..
والدراسه عن طريق نظام اسمه البلاك بورد .. فيه تكون محاضراتك الأسبوعيه .. كل يوم سبت من كل اسبوع راح تنزل المحاضرات المسجله لمدرس الماده .. ( صوت وفيديو ) او محاضرات نصيه .. كلها بالبلاك بورد .. تنزلينها وتبدأين بالمذاكره والجد والإجتهاد ..
وايضاً في البلاك بورد تحلين الواجبات والمقرره بـ 3 واجبات في كل فصل دراسي ..
وايضاً المشاركات عن طريق منتدى الحوار .. دكتور كل ماده بيضع موضوع ويتم النقاش فيه والمشاركه من خلاله ..
ايضاً المحاضرات المباشره راح ينزل لها جدول بعد بدء الدراسه للتواصل مع مدرس الماده وسواءً حضرتيها مباشره او نزلتيها مسجله .. ستحسب لك الدرجه كامله .. وبتكون 3 محاضرات مباشره في كل فصل دراسي ..
هذا كل شيء وعذراً ان قصرنا ..
بالتوفيق
|