|
رد: .... ليه الطب والتمريض .. تخصصان غير مقبولان بمجتمعنا ؟؟
ملاك يا ملاك شكلك عصبتي مني
ما قصدي انرفزك يا عسل
المقصد ان فيه مجالات في العمل من الافضل ان الحرمه ما تخوض فيها .. مع العلم ان مكان الحرمه الاصلي داخل البيت ومكان الرجل الاصلي خارج البيت وهو المطالب بجلب لقمة العيش والحرمه تقوم على شؤونه ومن الخطأ ان اساوي او اميع الفروقات بين الرجل والمرأه لان الله ماخلقهم مختلفين الا لحكمه !! لهذا مجال و لهذي مجال !
بصراحه اول مره اسمع هالتعليق في حياتي انه بما ان الرجل يداوم شفت ليل محد يشك فيه المفروض حتى المرأه تداوم و محد يشك فيها ! مافيه مقارنه اصلا بين الجهتين والمقصد مو شك و اخون ! قلتها من اول ما اخون بس النفس الاماره بالسوء موجوده !
الرجل يا ملاك فيه وظايف احيانا يطلع فيها سته شهور يبقى في منطقه منقطعه وسط البحر والا الصحرا مو بس يداوم بالليل ! اجي انا بعد اقول ليش الحرمه ما اطيرها ست شهور؟
اذا المسأله قدرات ايه نقدر نسهر بالليل واقدر اسافر سته شهور واقدر اصير مديرة شركه و الا كابتن طيار ووو مو مشكله بس هل هو شي مناسب؟
هل مناسب انا نايمه بفراشي وبنتي مداومه شفت اخر ليل في المستشفى؟ عشان اثبت لها اني ما اشك فيها؟ او اثبت للعالم انها كفو تسهر ع راحة الناس ؟ وانها احد وسائل حماية اعراض الناس اللي يحتاجون طبيبات حريم؟
والله لا بأنام ولا بأرتاح ابدا ! ماني مكلفه احافظ ع المسلمات بترك بنتي في مكان اثبتت الحياه انه تصير فيه اشياء مخجله ! الشر في كل مكان
مبدأي لاني يا بنتي او اختي او يا نفسي .. احبك واخاف عليك .. اجل احافظ عليك في البيت تحت عيني ! ماعلي من الناس يناظرون بنتي او عيلتي عموما ويقولون والله بناتهم في الطب و ثقات ،، المهم انهم منتجات في هالحياه ولو انهم اميات !! الكلام مو ع الوظيفه ومسمياتها قد ماهي محافظه ع النفس نفسها
ولو ان بنتي ملاك طاهر منزل من السما ! مستحيل ادخلها مجال فيه عليه كلام مع انه مجال انساني رائع بس الزم ماعلي بنتي !
معليه ادور لها شي ثاني بعيد عن الرجال وفي نفس الوقت يعزها و يعفها عن الناس !! وبالمقابل اصقل ولدي و اعوده ع قسوة العيشه وانك انت يارجل اللي مطالب تشتغل وتكرف وتنتج وماتستنى لا قرش ولا ريال من اختك او بنتك او زوجتك ولو انها عالمة ذره !
ما ادري انا اتكلم عن وجهة نظري تحتمل الصواب والخطأ بس هذا اللي مناسبني واللي شايفه اهلي عليه ! حتى لو مكانها نسائي ميه ميه ما تشتغل بالليل لو يفطر لها قرون  *
|