اقتباس:
المشاركة الأصلية كتبت بواسطة eng.awahab
السلام عليكم
يا جماعه انا خلصت السنه التحضيريه في جامعة الملك عبدالعزيز
وسجلت في الملك فيصل والحمدلله قبلوني في تخصص ادارة اعمال
وابغى يعادلوا لي بعض المواد اللي خلصت منها لان بعضها درجاتها الحمدلله كويسه وما ابي اضيعها كيف الطريقه ؟
هل ارسل اوراقي للجامعه وبعدها اجيب لهم ورقة من جامعة عبدالعزيز؟
او لابد اجيب اخلاء طرف من جامعة الملك عبدالعزيز مع السجل الاكاديمي لهم ؟
ياليت اللي له تجربه او يعرف يفيدني الله لا يهينكم ,,
لانه ما فيه وقت بعد العيد يالله الواحد يرتب اموره ..
|
وعليكم السلام ورحمة الله وبركاته ،،،
بدون قصور في الإجابات اللي قبلي ، لكن أتمنى إنك تركز في اللي بقوله لك :
الجامعة راح تعلن للطلبة المقبولين عن صرف الأرقام الأكاديمية والباسوورد
باستخدام الرقم الأكاديمي + الباسوورد اللي راح يصرفونهم لك بإذن الله تقدر تدخل على أنظمة الجامعة الإلكترونية وبالتالي تقدم على معادلة مقررات وتدرس وتشوف محاضراتك .
الآن بخصوص المعادلة :
ابتداء من المستوى الثاني يعادلون لك 15 ساعة كحد أقصى من المواد اللي سبق ودرستهم في جامعتك السابقة بشرط ان كل مادة مايقل تقديرها عن C
لازم تقدم على المعادلة قبلها بترم ،
يعني أول ما يقبلونك في جامعة الملك فيصل تقدم على طلب المعادلة في الموعد المحدد لمعادلة المقررات .
مو عشان يعادلون لك في نفس الترم لا ، عشان يعادلون لك في الترم اللي بعده .
سأضع لك الآن شروط المعادلة بالتفصيل :
1- في كل فصل دراسي ؛ تكون هناك فترة محددة لمعادلة المقررات ، يتم معرفة تاريخ هذه الفترة بالدخول على رابط اسمه التقويم الزمني .
يقوم الطلبة بتقديم طلب معادلة المقررات من خلال الخدمات الطلابية (أيقونة طلب معادلة المقررات)
تدخل على الأيقونة المطلوبة وراح تشوف الشروط ومن ضمنها إرفاق مستندات معينة ،
المستندات هذي تجيبها من جامعتك القديمة اللي كنت تدرس فيها وهي عبارة عن ( سجلك الأكاديمي مختوم من الجامعة اللي كنت تدرس فيها + وصف للمقررات اللي درستها مختوم من الجامعة اللي كنت تدرس فيها )،
تحط المستندات هذي في السكنر وتضغطهم في ملف مضغوط وتحملهم على الموقع ويجب أن يكون طلب التقديم في الفترة المحددة التي تعلنها الجامعة في كل فصل دراسي لمعادلة المقررات (لاحظ ان الطريقة الوحيدة المقبولة هي الطريقة الإلكترونية ، يعني ما راح يقبلون أوراق المعادلة إذا تم إرسالها عن طريق البريد).
2- التعليمات الجديدة للإنتساب المطور فيما يختص بمعادلة المقررات هي أن تتم معادلة المواد التي درسها الطلبة في جامعات ومؤسسات أكاديمية أخرى (سواء كان الطالب متخرج أم غير متخرج من جامعته أو كليته السابقة) .
3- تتم معادلة 15 كحد أقصى ساعة فقط للطالب بشرط أن لايقل المعدل الحاصل عليه الطالب للساعات التي يرغب في معادلتها عن C.
4- لايتم معادلة المواد للطلبة الجدد(مستوى1) لأن المواد في الفصل الأول إجبارية ولاتتم معادلتها .
سأضع لك تصريح سعادة الدكتور عبدالله النجار بهذا الشأن :
" الاخوة الطلبة
السلام عليكم
لا يتم معادلة أي مقرر لأي طالب مستجد
الدراسة في الفصل الأول إلزامية لجميع المقررات دون استثناء
يتم معادلة 15 ساعة فقط لأي طالب تقدم بمعادلة مقررات حتى لو كان قد حصل على درجة علمية من خلال دراسة دبلوم في كلية حكومية معترف بها (4 سنوات) أو جامعة معترف بها من داخل السعودية أو خارجها "
أتمنى إني أفدتك وسامحنا على القصور .