عزيت نفسي كنت احسبه تحـدي
ولا دريت أنـك بطيبـك تحـدان
صحيح أنا يمكن تعديـت حـدي
واسرفت بالغلطات وكان الذي كان
وشلون ابنسى من خذا كـل ودي
واقفى وخلاني على حد الاحـزان
دمعي مكانه بعدكم فـوق خـدي
شفقان قربك ياهوى البال شفقان
صار الحزن مابين جزر ومـدي
مرات ارده واكثر الوقت يقـوان
ردي علي ارجـوك يابنـت ردي
لا تتركيني في متاهات الازمـان
اول معي بالشوق واليوم ضـدي
بديت بالمكسب وعودت خسـران
امدلـك قلبـي واشيلـة بيـدي
يفداك قلب من سبايبـك ينهـان
دامك سحابه في سمايـا تعـدي
لا تبخلي بالماء وانا حيل عطشان