أحترت ياعالم ومن العناء ذقّت
حدتني ظروفي وكتبت القصيده
لحد(ن) يلوم قليبي اليا تشبقّت
وحبيتها ياناس لو هي بعيده
بنت أرحمي حالي لاينقضي الوقّت
وتمضي ليالي العمر وحالي نكيده
أنتي منى عمري وبخاطري ضقّت
يكفي عذاب بالله وش مستفيده؟
وأنتي لي نسناس الهوا لا تنشقّت
من دونك أعد موتي حاجه أكيده
وأنتي سبب طعم العنا اللي تذوقّت
خوفي من الله وارحمي ياعنيده
وأنتي سبب في عشق أنا به توهقّت
أشوفك بدنياي صرتي الوحيده
أقسم لكم بالله أني لها أشتقّت
وأشتقّت أنا عيش الحياه السعيده
أن شاء رب الخلق ثم لاتوفقّت
يصير كل شي (ن) على ما تريده
اللي أبي منها قول أني وافقّت
ونفتح من الدنيا صفحه جديده
رسمت أنا خطّه بعقلي ونسقّت
ونويت أبعلن عشقها بالجريده
وفكرتنا بعذال قلبي هل المقّت
وهوّنت خايف من حسدهم يبيده
هي ملكت روحي ولاغيرها طقّت
يشهد على ماقول ربي وعبيده
غرقت في بحر الهوى من تعمقّت
واللي غريق تموت روحه شهيده
ياليتني في حبها ما تعلقّت
العشق همّ (ن) يلعن اللي يعيده