كنت احسب اني أعيش العمر من دونك
واقضي بقايا ماتبقا لـي مـن أيامـي
الله حسيبك سرقت الليـل فـي لونـك
أنساك في حاضري والقـاك باحلامـي
خـل العـواذل حبيبـي لايهمـونـك
دام إنت أجمل قصيد يداعـب أقلامـي
من وين مارحت صرت اليوم مفتونـك
حتى المشاعر بحبـك ترسـم إلهامـي
سهرت ليل الهوى في سلهـم جفونـك
واسقيت حبر الورق من جرحي الدامي
عذبت قلب(ن) شقـاك وتـاه بجنونـك
سقاك كاس الغلا هو باقي (ن) ضامـي
هجرت كل البشـر لخاطـر عيونـك
أصبحت حاضر وماضي وباقي أعوامي
صبرك ترفق على قلبي علـى هونـك
الشوق وإنتـي علـي وقسـوة آلامـي
ماعدت خبرك أجامل بالغـلا فنونـك
سلمت سيفي ودرعي ومعهـم حزامـي