|
رد: سجل حضورك اليومي بكتابة بيت من الشعر
للمبدع محمد الدحيمي :
يعين الله يادنيا تسوق ايامها الاحزان
يعين الله وانتي مثل قفلٍ ضاع مفتاحه
يعين الله وجروحي لها في كل وقتٍ شان
كذوب اللي يقول ان الزمن بيداوي جراحه
سقى الله يوم انا يمه غريرٍ يزعـج الجيران
سقى الله يوم انا طفلٍ يصـجّ البيت بصياحه
سقى الله يوم كان اقصى طموحي لعبت الدنان
نهاية يومي المغرب واخاف الليل واشباحه
سقى الله يوم انا البس بشت ابوي وثوبه القيطان
واقلد كل شيٍ فيه حكيَه .. جـِـدّه .. امزاحه
واشيل المسبحه مثله ليا هوجس وهو سرحان
بيشعر .. واحسب إن اللي عطاه الشعر مسباحه
سقى الله بيتنا ذاك البسيط مشقق الجدران
شجاعٍ يهزم الغدرى بقنديله ومصباحه
تكحلنا القناعه لاطمع .. لاهـمّ .. لاحرمان
واذا جا الليل تكفينا ثلاث اخوان طراحه
جميع الذكريات اللي غدت في قفرة النسيان
تحاكي حلوها عبره بموق العين سباحه
خذتني غربةٍ عنوانها غربه بلاعنوان
ابي عقب التعب راحه لقى فيني التعب راحه
ورجعت اليوم مثل اللي رجع عقب القنص خسران
غدى طيره وجا يسحب سلوقـيه وملواحه
قصيده مابعد مرت في بال مساعد وضيدان
هواجيس ابدويٍ هايمٍ فـي عشق فلاحه
وروحٍ تايبه كانت تبي لذنوبها غفران
خطاي اني كتمت اسرارها بعيون بواحه
تقولين المطر ،، ماهوب يمّه دايمِِ هتان
اجل ، معذور قلبِِ في همومه ضاعت افراحه
انا يمّه ،، غلطت ولااني اول واحدِِ غلطان
ابونا آدم ،، من الجنه خرج بسباب تفاحه
خذلك ،، الوقت فيني ماخذلتك يا أعز أنسان
وش الدبره ،، وحظى صار .. قفلِِ ضاع مفتاحه
|